PAMMUJI 147:14 - KITTA' MATANGKASA'

¹⁴ Ia anjagai daeranu sollanna tuli amang, ampakabassorokko siagang gandung kaminang bajika.

PAMMUJI 147:14 Referans Kwoze

PAMMUJI 81:16

Tau birisika ri ke'nanga laKupatunduki, lanihukkungi ke'nanga satunggu-tungguna.

PAMMUJI 29:11

Poro nisare lalo kagassingang umma'Na ri Batara, na Napa'jari ke'nanga salewangang.

PAMMUJI 132:15

Sikontu kaparalluanna laKusarei alla'bi-la'bi, tu kasi-asina laKusarei kanre sa'genna bassoro'.

PAOLE 32:14

Olo'-olo'na appabattui wassele' jai dageng siagang dadi'; gandunna siagang je'ne' anggoro'na kaminang baji'.

ZAKHARIA 9:8

LaKujagai buttaKu siagang laKutahangi sikamma pasukang-pasukang bansa maraeng niaka ero' allaloi. Tenamo nalaKupa'biang sikamma tumanjallakkanga anjajai ummakKu. Nasaba' Kucini'mi kasessanna ke'nanga.”

YESAYA 66:12

Saba' Nakana Batara, “LaKusareko kasalewangang rapang binanga assolonga; kakalumanynyangnganna bansa-bansaya lanierangi mae ri kau rapang binanga allumpa-lumpaya je'ne'na. Rapangko ana' nipasusua siagang nikalawinga ri amma'na, siagang nisapu-sapua ulunna ri riwaanna.

PAMMUJI 122:6

Appala' doangko untu' kasalewanganna Yerusalem angkana, “Poro salewangangi sikontu tau mangngaia ri Katte.

1 PATTOTTORANG 22:9

Mingka manna nakamma, le'ba'ma' Najanji angkana: ‘Langgappako sitau ana' bura'ne laamanga ammarenta, nasaba' laKubantui sa'genna tena musu lambunduki. Laniarengi Salomo nasaba' lalang ammarentana, laKusarei kasannangang siagang kaamangngang ri sikontu Israel.

KAIMANGNGANG 26:6

LaKujagai kaamananna pa'rasangannu sa'gennu akkulle tinro sannang siagang tena numalla' manna pole ri nai. LaKupa'lanynyaki sikamma olo'-olo' sekkeka battu ri pa'rasangannu, siagang latenamo pa'bundukang ri pa'rasangannu.

YEHEZKIEL 27:17

Yehuda siagang Israel napassambei barang-barang danggangannu siagang gandung, je'ne' bani, minynya' zaitun, siagang rampa-rampa.

PAMMUJI 132:11

Le'ba'mi assumpa Batara mae ri Daud; tena nalaNakaluppai janjinNa. Nakana, “Sitau ana'nu laKupa'jari karaeng untu' ammarenta ansambeangko.

YEHEZKIEL 16:13

Kammami anjo batenu a'belo-belo bulaeng siagang pera'; pakeannu battu ri kaeng lenang siagang sa'be nisulang. Akkulleko angnganre roti battu ri tarigu kaminang bajika, siagang je'ne' bani kammayatompa minynya' zaitun. Ga'ganu teai sipato' siagang a'jariko rapang baine karaeng.