PAMMUJI 145:17 - KITTA' MATANGKASA'

¹⁷ Adeleki Batara lalang sikontu tindakanNa siagang rassi pangngamaseang lalang sikontu panggaukanNa.

PAMMUJI 145:17 Referans Kwoze

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

ZEFANYA 3:5

Mingka nia' iji Batara ri anjo kotaya; tuli Nagaukangi apa annabaya siagang tale'bakai sala. Tunggala' bari'basa' mattantu Nasarei kaadelang umma'Na. Mingka, tau tenaya naassengi kaadelanga ri anjo kotaya, tuli tenana siri'na a'gau' ja'dala'.

YESAYA 45:21

Pamajumi parkaranu, paridallekammi butti-buttina, iyo, boli'mi kamma appare' ke'nanga passitujuang. Inaika angkabarrangi anjo passalaka siagang le'ba' ampaui baku' battu riolo iji? Sai iNakke, Bataraya? Tena allata'ala pantaranganna iNakke. INakkemi Allata'ala adeleka siagang Mappasalamaka, tena maraeng pantaranganna iNakke!

PAMMUJI 103:6

Napajappai Batara hukkunga siagang kaadelanga mae ri sikontu tau nijallakkanga.

PAPPICINI' 19:11

Tassungkei kucini' surugaya, nampa nia' kucini' sikayu jarang kebo'. PabaeNa niarengi I Tamamminraya siagang I Tojeng. Adeleki hukkungang Natappukia siagang pa'bundukang Nagaukanga.

PAMMUJI 116:5

Anjo Batara mangngamaseangi siagang adeleki; Allata'alata la'bi ri pangngamaseang.

PAMMUJI 89:14

Tamaka lompona koasaTa, tamaka heba'na kagassinganTa!

PAMMUJI 50:6

Langika angkabarrangi angkanaya Naadeli Allata'ala umma'Na, angkana KalenNa Allata'ala hakinna.

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

PAPPICINI' 19:2

Adeleki siagang annabai pangngadelanNa! Napabattumi hukkunganNa mae ri pasundala' lompoa, ampanrakiai linoa siagang gau' bawanna. Le'ba'mi Nahukkung Allata'ala anjo pasundalaka, lanri nabunona sikamma ata-atanNa Allata'ala.”

PAPPICINI' 4:8

Anjo appaka anu attallasa', massing nia' annang ka'nyi'na; siagang rassi ngasengi mata ri tammulilina kalenna siagang ilalanganna kalenna. Allo bangngi anjo anu attallasaka tena nale'ba' ammari akkelonga tojeng, angkana, “Matangkasa', matangkasa', matangkasaki Batara, Allata'ala Kaminang Koasaya; Ia niaka ri pakaramulanna, ri kamma-kammaya anne, sa'genna satunggu-tungguna.”

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

PAMMUJI 97:2

Nikulilingi ri rammang siagang kasassangang; dasara'na pamarentahanNa iamintu kaadelang siagang hukkung.

2 SAMUEL 22:31

Sangkaki gau'Na Allata'ala, janjinNa akkullei nipatappa'! Ia rapang pa'lapa' barambang mae ri sikontu a'la'langa ri Ia.

AYUB 34:10

He sikamma tau cara'deka, pilangngeri sai! Maka lakkullei Allata'ala Kaminang Koasaya anggaukangi kasalanga?

AYUB 34:12

TaNagaukangngai Allata'ala Kaminang Koasaya nikanaya kaja'dallang; sikontu taua Nasare ngaseng kaadelang.

PAMMUJI 112:4

Accayai singaraka lalang ri sassanga mae ri tau lambusuka, mae ri tau adeleka, mangngamaseanga siagang manynyayanga.