PAMMUJI 143:11 - KITTA' MATANGKASA'

¹¹ Kipasalamaka' situru' janjinTa, o, Batara, lanri kabajikanTa, Kilappassanga' battu ri kasukkarranga.

PAMMUJI 143:11 Referans Kwoze

PAMMUJI 31:1

Untu' pamimping pakelong. Pammujina Daud.

PAMMUJI 119:25

Attinroa' lalang ri limbu'buka; Kipammollei tallasakku situru' janjinTa.

PAMMUJI 119:37

Kijagaia' sollanna tena kuondangi apa tenaya matu-matunna, Kisarea' tallasa' situruka erotTa.

PAMMUJI 71:2

Kilappassang laloa', saba' iKatte adelekKi', Kipilangngeria' siagang Kipasalamaka'.

HABAKUK 3:2

O Batara, kulangngereki passala' panggaukanTa, na napirassi pa'maikku eroka mappakalompo. Poro Kipaollei anjo panggaukang malompoTa na Kipa'nyata ri anne jammanna ikambe. Poro Kikamaseangi ikambe manna pole nabambang nyawaTa.

PAMMUJI 138:7

Wattungku nituju ri kasusaang, Kipartahangkangi tallasakku. Kiewai musungku sitabanga a'jallo' nampa Kipasalamaka' siagang koasaTa.

PAMMUJI 119:88

Kipasalamaka' lanri tuli mangngamaseanTa, sollanna akkulle kuturuki hukkunTa.

PAMMUJI 85:6

Untu' satunggunaka Kikalarroi ikambe? Tuli lalarroKi' mae ri turunganna ikambe?

PAMMUJI 34:19

Ma'reppeseki Batara mae ri tu ca'dia pa'mai'na; Napasalamaki tu tappu' minasaya.

PAMMUJI 25:11

O, Batara, Kipammopporanga' situru' janjinTa, saba' lompoi kasalangku.

PAMMUJI 143:1

Pammuji battu ri Daud. O, Batara, Kipilangngeri pappala' doangku, Kiparhatikangi pappalakku. Kipialia' lanri tamamminraTa, Kiturukianga' pappala' doangku lanri kaadelanTa.

PAMMUJI 119:107

Tamaka pa'risikku, o, Batara, Kijagai laloi tallasakku situru' janjinTa.

PAMMUJI 119:40

Kisarea' katallassang beru, saba' iKatte adelekKi', inakke cinna' mannuruki ri sikamma kaputusanTa.

PAMMUJI 25:17

Pila' katambangi susana pa'maikku Kilappassang laloa' battu ri kasukkarrangku.