PAMMUJI 140:5 - KITTA' MATANGKASA'

⁵ O, Batara, Kijagaia' battu ri koasana tau ja'dalaka, jagaia' battu ri tau anggaukangai katerassanga eroka antu'guranga'.

PAMMUJI 140:5 Referans Kwoze

PAMMUJI 142:3

Akkunrarenga' ri dallekanNa; kupaui sikontu kasusaangku mae ri Ia.

PAMMUJI 35:7

Sia-siaji ke'nanga attannang sikko' untu' inakke yareka angngeke kali'bong untu' anjakkalaka'.

YEREMIA 18:22

Suroi paellaka ti'ring battu ri balla'na ke'nanga, sa'genna ammurici' ke'nanga napakamma malla'. Le'ba'mi ke'nanga angngeke kali'bong sollanna kutu'guru' antama, siagang le'ba'mi ke'nanga attannang sikko' untu' anjakkalakka'.

YEREMIA 18:20

Maka siratangi kabajikanga nibalasa' siagang kaja'dallang? Mingka le'ba'mi ke'nanga angngeke kali'bong sollanna kutu'guru' antama. Kiu'rangi angkanaya le'ba'mi ke'nanga kualle-alleang ri dallekanTa, sollanna tena Kilarro mae ri ke'nanga.

PAMMUJI 57:6

O, Allata'ala, Kipappicinikangi kalompoanTa ri langi', siagang kala'biranTa ri sikontu linoa.

PANGNGEBARANG 29:5

Inai ampalecei paranna tau, attannangi sikko' untu' kalenna.

PAMMUJI 119:110

Tau ja'dalaka natannangngia' sikko', mingka tena kummengka battu ri kaputusanTa.

PAMMUJI 119:85

Tau tenaya namannuruki ri hukkunTa, angngekemi kali'bong untu' antannangngia' sikko'.

PAMMUJI 119:69

Tau borroa napitina', mingka mannurukia' ri kaputusanTa sibatu pa'maikku.

PAMMUJI 36:11

Poro tulusu' Kikamaseangi tu mangngassenga ri Katte, siagang a'gau' baji' mae ri tu lambusu' pa'maika.

PAMMUJI 31:4

Iye', iKattemi sanrapang moncong batu siagang tampa' attahang makassaka untu' kalengku! Kirurunganga' situru' janjinTa.

AYUB 18:9

Niallei kacunu'na ri sikko', sa'genna nijakkala'mo.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

PAMMUJI 43:1

Kisarea' kaadelang, o, Allata'ala, Kipattojengi hakku mae ri bansa dorakaya. Kilappassanga' battu ri tu ja'dalaka siagang patipua.

PANGNGEBARANG 24:15

Teako sangkammai tau ja'dalaka, assikongkoloki untu' angngellaki tau lambusuka siagang anrampasaki balla'na.