PAMMUJI 14:4 - KITTA' MATANGKASA'

⁴ Nakana Batara, “Tenaka nangngu'rangi anjo sikamma tu ja'dalaka? Lalang tallasa'na narampasaki ummakKu siagang tena le'bakai appala' doang mae ri Nakke.”

PAMMUJI 14:4 Referans Kwoze

PAMMUJI 79:6

Kitumpami pangngalarroinTa mae ri bansa-bansaya ia tenaya naassengKi', siagang mae ri sikamma kakaraengang tenaya nanynyomba mae ri Katte.

YEREMIA 10:25

Pa'bettese'mi larroTa mae ri bansa-bansa tenaya naaniKi' siagang tenaya naero' anynyomba ri Katte. Nasaba' le'ba'mi napanraki taba sikali ummatTa siagang naancuru' pa'rasanganna ikambe.

YESAYA 64:7

Tenanniakka appala' doang mae ri Katte, yareka appala' pannulung battu ri Katte, saba' Kicokkoi rupanTa battu ri kambe, na Kilappassang ikambe nipanraki ri dosana ikambe.

PAMMUJI 82:5

Ikau ngaseng tena apa-apa nuasseng, dongokko, siagang linguko, passabakkang ikau napanra' atorang katallassanna tau jaia.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

AMOS 8:4

Pilangngeri, he ikau ngaseng anjallakkangai tu kasi-asia ri anne pa'rasanganga sa'genna panra' ke'nanga!

PAMMUJI 27:2

Punna nibakkaia' ri tu ja'dala' eroka ambunoa', ke'nanga latatto'ro na tu'guru'.

GALATIA 5:15

Mingka punna massing sikara'musukko, tutu laloko, sollanna tena nupara ancuru'.

HOSEA 7:7

Lalang allumpana larrona, nabunomi pamimping-pamimpinna ke'nanga. A'le'basa'mi nabuno ke'nanga sikontu karaenga. Mingka manna pole na'jari kammamo anjo kodina kaadanga, tena sikali manna sitau appala' doang mae ri Nakke untu' nitulung.”

YESAYA 45:20

Nakana Batara, “A'rappung mako siagang battu mako assama-sama, ikau ngaseng tau ta'lappasaka ri bansa-bansaya! Dongoki tau a'balulunga anrurungangi patung kayua, siagang appala' doanga mae ri rewata-rewataya ia tenaya nakkulle appasalama'.

YESAYA 29:14

Lanri kammana anjo laKupata'bangkai ke'nanga siagang pattunrung a'mole-molea. Tau cara'deka la'jari toloi, siagang sikontu kacara'dekanna ke'nanga latena ngaseng matu-matunna.”

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

AYUB 27:10

Mustina nakkuki ri kassannangang battua ri Allata'ala, siagang tena mangnganna appala' doang mae ri Ia.

YESAYA 5:13

Lanri kammana, ummakKu tenaya apa-apa naasseng, lanierangi a'lampa a'jari tunitahang. Sikamma pamimpinga siagang ra'yaka lamate cipuruki siagang lamate turerei.

AYUB 21:15

Nakana pikkiranna ke'nanga, ‘Tena matu-matunna allayani Allata'ala, siagang tena bua'-bua'na appala' doang mae ri Ia.

PANGNGEBARANG 30:14

Nia' tau amboyai dalle'na sanna' palla'na batena; sanna' sekke'na siagang napaccoki tu kasi-asia siagang tau lammaya.

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.