PAMMUJI 139:13 - KITTA' MATANGKASA'

¹³ Kipa'jari sikamma bageang-bageang niaka ri tubuku, na Kiparekka' lalang ri pammanakkanna ammakku.

PAMMUJI 139:13 Referans Kwoze

YEREMIA 1:5

“Ri wattu tenanapa Kupa'jariko lalang ri battanna amma'nu, siagang ri wattu tenanapa nanilassukangko, le'ba' memang mako Kupile siagang Kuangka' untu' a'jari na'bi mae ri bansa-bansaya.”

PAMMUJI 119:73

IKattemi ampa'jaria' siagang amparekka', Kisarea' pammahang untu' ampilajari sikamma parentaTa.

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

AYUB 31:15

Sai Allata'ala ampa'jaria', na Ia todong ampa'jari sikamma anjo atangku?

YESAYA 46:3

PilangngeriA', he turunganna Yakub, ikau ngaseng niaka tassesa ri ummakKu. Le'ba' mako Kuparakai baku' nilassukannu.

PAMMUJI 71:6

Lalang sikontu tallasakku tanjenga' mae ri Katte; iKatte anjagaia' battu ri nilassukangku nakutuli mammuji mae ri Katte.

PAMMUJI 95:6

Umba kisu'ju' anynyomba mae ri Ia, akkulantu' ri dallekanNa Batara, Tumapparetta.

1 KORINTUS 12:17

Ebara' angkana a'jari mata ngaseng mami anjo tubua, maka antekammami lakkulle allangngere' anjo tubua? Yareka punna a'jari toli ngaseng mami anjo tubua, maka antekammami lakkulle angngara' anjo tubua?