PAMMUJI 139:1 - KITTA' MATANGKASA'

¹ Untu' pamimping pakelong. Pammuji battu ri Daud. O, Batara, iKatte antarrusia' siagang angngassenga'.

PAMMUJI 139:1 Referans Kwoze

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

YEREMIA 12:3

Mingka iKatte, o Batara, Kiassenga'. Kiciniki apa kugaukanga, siagang Kiassengi antekamma pa'maikku mae ri Katte. Kiembai anjo sikamma tau ja'dalaka assulu', erangi ke'nanga rapang gimbala' mange ri pamolonganga. Kijagai ke'nanga sa'genna narapi' wattunna nipolong ke'nanga.

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

PAMMUJI 139:23

Kisalidikia' o, Allata'ala, kitarrusi pa'maikku, so'ria siagang Kiassemmi pikkirangku.

PAMMUJI 17:3

Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

1 KARAENG-KARAENG 8:39

poro Kipilangngeri lalang ri suruga tampa' pammantanganTa siagang Kipammopporangi na Kitulung ke'nanga. Poro iKatteji bawang angngassengi bone atinna rupataua. Lanri kammana anjo, Kigaukammi mae ri taua massing-massing situru' panggaukang-panggaukanna,

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

PAPPICINI' 2:18

“Untu' mae ri malaeka'na jama'ah Tiatira, tulisiki kamma anne: Iaminne pappasang battu ri Ana'Na Allata'ala, a'rinra-rinraya matanNa sangkamma pepe', siagang accayaya bangkenNa sangkamma tambaga nitunua.

2 SAMUEL 7:20

Apapi pole akkulle kupau mae ri Katte? Kiassengi sikontu-kontuna ri passala'na anne atanTa.

2 KARAENG-KARAENG 19:27

Mingka Kuassengi sikontu katallassannu. Kuassengi apa nugaukanga siagang kemae-kemae lampanu.

1 PATTOTTORANG 17:18

Apapi pole akkulle kukana mae ri Katte, o Karaeng Allata'ala? Kiassengi sikontu katallassanna anne atanTa, mingka Kisarea' kala'birang.