PAMMUJI 138:2 - KITTA' MATANGKASA'

² Su'juka' a'dalle' mae ri Balla' matangkasatTa nakupuji arenTa, saba' tamamminrayaKi' siagang tulusu' mangngamaseangKi'. La'bi Kiparalluangangi janjinTa kala panggappa pikkiranna taua mae ri Katte.

PAMMUJI 138:2 Referans Kwoze

MATIUS 5:18

U'rangi laloi! Angkanaya lalang nia'na ija langika siagang linoa, manna se're hurupu' yareka titti' kaminang ca'dina anjo atorang agamaya tena sikali lanipela' punna tenapa na'rupa ngaseng!

YESAYA 42:21

Mangngellai Batara appasalama'; Nakellai nipakalompo siagang nipakala'biri' hukkunNa.

PAMMUJI 56:10

Ri allo akkiokku mae ri Katte, lanitunrungi ammunduru' musua, saba' kuassengi angkana agang mae ri nakke Allata'ala.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

PAMMUJI 5:7

Kipossoki tu nangaia a'balle-balle, Kicini' irawai patipua siagang pabuno-bunoa.

PAMMUJI 28:2

Pilangngeri pappalakku punna akkioka' appala' tulung, Kiangkaki limangku mae ri Balla' matangkasatTa.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

PAMMUJI 56:4

Ri wattungku malla', manrannuanga' ri Katte.

PAMMUJI 115:1

Teai ikambe, o, Batara, teai ikambe, mingka iKatteji musti nipuji, saba' iKatte tamamminraya siagang tuli mangngamaseang.

DANIEL 6:10

Jari natekemmi Karaeng Darius anjo sura' parentaya.

YESAYA 63:7

Eroki kukabarrang pangngamaseanNa Batara lanri sikontu gau'Na kumammuji ri Ia. Allumpa-lumpai bateNa ambarakkaki umma'Na, lanri nia'na pangngamaseanNa na tena la'busu'na anjo pangngamaseanNa.

PAMMUJI 99:9

Pakala'biriki Karaeng Allata'alata, sombai ri bulu' matangkasa'Na, saba' matangkasaki Karaeng Allata'alata.

PAMMUJI 99:5

Pakala'biriki Batara Allata'alata, su'jukki' ri dallekang empoang kala'biranNa, Iami matangkasa'!

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

PAMMUJI 85:10

Tojeng, sadiai lampasalamaki tau mappilangngeria, Allata'ala malompoa lammantangi ri pa'rasanganta.

YOHANES 10:35

Niassengi angkanaya apa tattulisika lalang ri Kittaka tappakei sa'genna satunggu-tungguna. Jari, punna Allata'ala anggallaraki ‘allata'ala’ sikamma tau ampilangngeriai kananNa,

1 KARAENG-KARAENG 8:15

Nakana, “Riolo le'ba' maKi' a'janji Batara, mae ri manggeku Daud angkanaya, ‘Baku' Kueranna ummakKu assulu' battu ri Mesir, ri sikontu pa'rasangang Israel tena manna se're kota Kupile a'jari tampa' untu' musti nibangungi balla' untu' a'jari tampa' passambayangang mae ri Nakke. Mingka ikau Daud, Kupileko untu' ammarenta ri ummakKu.’ Nipujimi Karaeng Allata'alana Israel, Ia le'baka anrupai anjo janjinNa!”

1 KARAENG-KARAENG 8:20

Kamma-kamma anne Narupaimi janjinNa Batara. A'jari karaemma' ansambeangi manggeku, siagang le'ba' tomma' ambangung balla' untu' tampa' passambayangngang mae ri Batara, Allata'alana Israel.

1 KARAENG-KARAENG 8:24

Le'ba'mi Kirupai janjinTa mae ri manggeku Daud. Anjo apa Kipa'janjianga Kigaukammi anne alloa.

PAMMUJI 5:8

Mingka lanri lompona pangngamaseanTa, kukkulle antama ri Balla' SambayanTa. Kusu'ju mange ri Balla' Sambayang matangkasatTa, nakusombaKi' ri pa'mai' mailalang.