PAMMUJI 132:14 - KITTA' MATANGKASA'

¹⁴ Nakana, “Anrinnimi pammantangangKu sa'genna satunggu-tungguna, erokKa' ammarenta ri anne tampaka.

PAMMUJI 132:14 Referans Kwoze

PAMMUJI 132:8

Battu maKi' siagang ammantang maKi' ri BallatTa, o, Batara, siagang Patti ParjanjianTa, tanra kakoasanTa.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

PAMMUJI 135:21

Pujimi Batara ri Sion, ri Yerusalem, tampa' pammantanganNa. Pujimi Batara!

PAMMUJI 87:2

Battu ri sikontu kota ri Israel Yerusalem kaminang Nakamaseang.

PAMMUJI 76:2

Alla'bangi niasseng Allata'ala ri Yehuda; masahoroki arenNa ri Israel.

1 KARAENG-KARAENG 8:13

Kamma-kamma anne kupambangungangKi' balla' gammara', untu' a'jari pammantanganTa satunggu-tungguna.”

ZEFANYA 3:17

Nala'langiko Karaeng Allata'alanu porea. Ammetako lanri kakoasanNa. Rannui pa'mai'Na siagang sannangi nyawaNa Batara lanri ikau, lanri pangngamaseanNa na Nasareko katallassang beru.

YESAYA 8:18

Annemi inakke siagang ana'-ana' Napassareanga Batara mae ri nakke. Batara Kaminang Makoasaya ammarenta ri Bulu' Sion, ansuroi ikambe battu a'jari pammatei mae ri umma' Israel.

PAMMUJI 68:18

Appulo sa'bu kareta kassa' Napake ammumba Allata'ala siagang sanna' mala'biri'Na ri alla'na ke'nanga.

EFESUS 2:22

Lanri asse'remi katallassannu lalang ri Almasi, kamma-kamma anne nipasibangung tommako siagang tau maraenga, a'jari se're balla' untu' Allata'ala; anjoremmi ammantang Allata'ala siagang RohNa.

MATIUS 23:21

Siagang punna nia' tau assumpa na napau Balla'Na Batara, battuanna napalalang ngasemmi Balla'Na Batara, kammayatompa pole Allata'ala ammantanga ilalang.

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

YESAYA 11:10

Nia' sallang se're wattu nalabattu sitau karaeng turunganna Daud, a'jari tau niparhatikang ri sikontu bansaya. Labattui ke'nanga mae ri ia, siagang sanna' nipakalompona pammantanganna.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

IBRANI 12:22

Mingka ikau, battu mako ri Bulu' Sion siagang kotaNa Allata'ala assarea katallassang, iamintu kota Yerusalem niaka ri suruga siagang assa'bu-sa'bu malaeka'na.

PAMMUJI 68:16

Moncong Basan Iami moncong heba', moncong jaia coppo'na.

1 KARAENG-KARAENG 8:27

Mingka, o Allata'ala, maka attojeng-tojengKi' larella ammantang ri anne buttaya? Manna sikontu langika taganna' luara'na untu' iKatte, la'biangampa naanne balla' kubangunga!

1 KARAENG-KARAENG 9:3

Nakanamo Batara ri ia, “Kulangngere'mi pappala' doannu, siagang kamma-kamma anne Kupaumi angkanaya anne balla' le'baka nubangung Kupa'jarimi tampa' matangkasa' untu' passambayangannu mae ri Nakke satunggu-tungguna.

1 PATTOTTORANG 23:25

Nakanamo Daud, “Nasaremi Karaeng Allata'ala kasannangang umma'Na, siagang KalenNa nia'ki ammantang ri Yerusalem sa'genna satunggu-tungguna.