PAMMUJI 131:1 - KITTA' MATANGKASA'

¹ Kelong siara battu ri Daud. O, Batara, tena nakutampo, siagang tena kuborro. Tena nakuondang apa-apa lompo dudua yareka sukkara' dudua mae ri nakke.

PAMMUJI 131:1 Referans Kwoze

ROMA 12:16

Massing assiamakko siagang assibajikiko. Teako tinggi langgai, mingka pakatunai kalennu sangkamma tau tunaya. Teako angkanai kalennu cara'de' dudu ri sitojennaya.

PAMMUJI 139:6

Tamaka lantanna mae ri nakke anjo pangngassenganTa, tanirapikai ri pikkirangku.

AYUB 42:3

Kikuta'nanga' angkana angngapa kubarani ranggasela ri kacara'dekanTa nampa inakke kalengku tena apa-apa kuasseng. Kupaui apa-apa tenaya nakupahangi, apa-apa sannaka appakalannasa'na ri kalengku anne.

YEREMIA 45:5

Angngapa nuero' nipa'la'biangngang? Teako appakammai, Barukh! Sikontu umma' rupataua Kuhukkungi siagang bala, mingka ri sesena ikau, kaminang sike'de'na ikau lasalamakko. Manna kemae lampanu, latuli attallasakko. INakke, Batara, anne akkana.”

PAMMUJI 101:5

Tau a'mere'-merekia ampitinai paranna tau lakuballassi. Tau tampoa siagang tinggi langgaya tena nalakubalang parekangi.

PAMMUJI 124:1

Kelong siara battu ri Daud. Antekamma ebara' tena Naagangngangki' Batara? He Israel, appialiko angkana,

PAMMUJI 122:1

Kelong siara battu ri Daud. Rannua' ri wattunna nakana taua mae ri nakke, “Umba kimange ri Balla'Na Batara!”

PAMMILANGNGANG 12:3

Anjo Musa tau sanna' tuna pa'mai'na, tena sangkammanna ri sikontu tau attallasaka ri anne linoa.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

PAMMUJI 133:1

Kelong siara battu ri Daud. Tamaka baji'na siagang sannanna, punna assiama' tallasa'na umma'Na Allata'ala!

1 SAMUEL 18:23

Mingka napabattuna ke'nanga anjo pikkiranga mae ri Daud, appialimi Daud angkana, “Nukana gampangi nikanaya a'jari mintunna karaenga? Sai inakke anne tu kasi-asia' siagang tau tena anggarangku!”

1 SAMUEL 16:22

Nampa akkiring Saul pasang mae ri Isai angkana, “Kungai Daud. Pa'biammi ammantang tulusu' anrinni na'jari palayangku.”

1 SAMUEL 16:18

Nalangngere'na anjo, nia'mo kalase'renna atanna angkana, “Isai pandudu'na Betlehem, nia' sitau ana'na bura'ne cara'de' akkarena musi'. Ia tubarani, siagang se're tantara baji'. Nampa pole gammaraki nacara'de' a'bicara, siagang tuli nitulungi ri Batara.”

1 SAMUEL 16:13

Angngallemi linta' Samuel minynya' zaitun nampa naminynyaki Daud ri dallekanna sikamma daenna ngaseng. Anjo wattua nikoasai memammi Daud ri RohNa Batara. Appakkaramula anjo alloa siagang situlusu'na nirurungammi ri RohNa Batara. Nampa ammotere'mo Samuel mange ri Rama.

PAOLE 17:20

Punna rajengi ambacai, tenamo nalanakana kalenna la'bi bajikangngangi na julu bansana maraenganga, siagang manna antekamma tenamo nalanadakkai parentaNa Batara. Nampa iami siagang jari-jarina tuli lammarenta ri bansana.”

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

LAMPA-LAMPANA 20:19

Kupa'jari tunami kalengku, siagang jaimi assolong je'ne' matangku ri wattunna kugaukang jama-jamanNa Batara. Kukasia'mi pa'risika lanri kaja'dallanna tu Yahudia mae ri nakke.

YEREMIA 17:16

Mingka, o Batara, tale'bakaKi' kupassa untu' ampabattui balaya mae ri ke'nanga. Tena todong kuero' sollanna nituju ri kasusaang. Kiassengi anjo, Batara. Kiassengi apa kupaua.

1 SAMUEL 17:15

biasai Daud a'lampa ambokoi Saul siagang ammotere' mange ri Betlehem untu' angkalawaki gimbala'na manggena.

1 TESALONIKA 2:10

Matangkasaki, tojengi, siagang tena callanna katallassanna ikambe mae ri kau ngaseng, ikau matappakamo mae ri Almasi. Ikau ngasemmi siagang Allata'ala, a'jari sa'bina ikambe.

2 SAMUEL 6:22

Ba'lalo kurellakangi kalengku nipakatuna la'biangngang naanjo sumpaenga. Akkulleko ampakatuna', mingka anjo ata-ata nupaua sumpaeng, lanapakalompoa'!”

PANGNGEBARANG 21:4

Anjo tau ja'dalaka dorakai, lanri nikoasai ri katampoanna siagang kaborroanna.