PAMMUJI 130:2 - KITTA' MATANGKASA'

² O, Batara, Kipilangngeri pakkiokku, Kiparhatikangi pappalakku.

PAMMUJI 130:2 Referans Kwoze

2 PATTOTTORANG 6:40

Kamma-kamma anne, o Allata'alaku, poro Kiparhatikang laloi ikambe siagang Kipilangngeri laloi sikamma pappala' doang nipabattua mae ri Katte battu ri anne tampaka.

YESAYA 37:17

O, Batara, Kiparhatikang laloi apa kajarianga mae ri kambe kamma-kamma anne. Pilangngerimi sikamma kana-kana mappakatunana Sanherib mae ri Katte, Allata'ala mattallasaka.

NEHEMIA 1:11

Kipilangngeri laloi anne pappala' doangku siagang pappala' doanna atanTa maraenga, eroka ampakala'birikKi'. Kipabattumi pannulunTa sollanna anne alloa akkullei anne atanTa anggappa pangngamaseang battu ri karaenga.” Anjo wattua inakke pangngurusu' inunganna karaenga.

NEHEMIA 1:6

Kicinikima' o Batara, siagang Kipilangngeri anne pappala' doang kupanaika ri Katte allo bangngi untu' umma' Israel, anjo atanTa ngaseng. Kumangakui angkana ikambe, umma' Israel, dorakami. Inakke siagang boe-boeku doraka tonga'.

PAMMUJI 140:6

Sanna' tampona ke'nanga a'mere'-mereki antannangngia' sikko', napalaparaki sikkoka untu' anjakkalaka'. Ri siapa la'buna aganga natannang ke'nanga sikkoka untu' anjakkalaka'.

PAMMUJI 64:1

Untu' pamimping pakelong. Pammujina Daud.

PAMMUJI 28:2

Pilangngeri pappalakku punna akkioka' appala' tulung, Kiangkaki limangku mae ri Balla' matangkasatTa.

PAMMUJI 17:1

Pappala' doanna Daud. Kipilangngeri pakkiokku appala' kaadelang, Kiparhatikangi pappala' doang ati maci'nongku, o, Batara.

PAMMUJI 5:3

Kijampangi pakkiokku na Kitulunga', o Karaengku siagang Allata'alaku.