PAMMUJI 13:2 - KITTA' MATANGKASA'

² Sa'genna kere wattu Kikaluppaia', o, Batara? Sa'genna kere wattu Kipaccokkoanga'?

PAMMUJI 13:2 Referans Kwoze

YEREMIA 8:18

Rapangi nie'ba' atingku na pacce, susa tena balleanna.

YEREMIA 15:18

Angngapa kutulusu' sessa mamo? Angngapa nasanna' lokokku siagang tena le'bakai ammolle? Maka erokKi' ampakala'bai pa'maikku rapang binanga a'jari kalotoroka ri wattu timoro'?”

PIRAUNG 1:5

Pore ngasemmi musu-musunna lanri akkullena nakoasai ke'nanga. Nipa'risi ri Batara, lanri majaina dosana. Nitahammi pandudu'na, na nilaling mange ri butta pammelakkang.

KATO'BA 5:17

Jari kupahammi angkanaya ia kaminang bajika mae ri katte iamintu angnganre, angnginung, siagang nipikasiakki wassele' jama-jamanta lalang katallassang sinampe' Napassareanga Allata'ala mae ri katte; iami anjo sarenta.

PANGNGEBARANG 15:13

Pa'mai' rannua napaccayai tanjaka; pa'mai' si'naya natepoki sumangaka.

AYUB 10:15

Punna a'gau' doraka', a'jari cilakami sarengku! Mingka punna tena callana panggaukangku, tuli nikana tonja' tau a'gau' dosa! Tena kubarani angngangkaki ulungku, lanri si'nai pa'maikku siagang tunai kusa'ring.

FILIPI 2:27

Garring memangi, sa'genna sike'de' mami mate. Mingka nikamaseangi ri Allata'ala; siagang tena naiaja bawang nikamaseang, mingka inakke pole, sollanna tena nakupila' si'na.

ROMA 9:2

Sanna' si'nana siagang pa'risi'na atingku,

YOHANES 16:6

Ba'lalo kamma-kamma anne a'jari si'nami atinnu, lanri Kupauna anne passalaka mae ri kau.

MATIUS 26:38

Nakanamo ri ana'-ana' gurunNa, “Sanna' si'nana Kusa'ring pa'maikKu, kamma Kusa'ring tau lamatea. Ammantang mako anrinni anrurungangA' a'jaga-jaga.”

PIRAUNG 1:9

Ma'nassami nicini' ra'masa'na mingka tena najampangi apa lakajariang mae ri kalenna. Tamaka sanna'na karuntunganna, mingka tena manna sitau ero' battu ansaleori. Namappala'mo pangngamaseang battu ri Batara, lanri ammetanamo musu-musunna.

PAMMUJI 116:3

Lanatujua' bahaya kamateang; bala lompona kamateanga nabakkaia', kunapa'jari lussa' siagang malla'.

PAMMUJI 74:18

Kiu'rangi laloi antekamma batena musunTa anghinaKi', o, Batara, bansa tenaya naassengKi' napitinai arenTa.

PAMMUJI 74:10

Sa'genna siapa sallona, o, Allata'ala, musua lancau-cauKi'? Sa'ge tulusu'naka ke'nanga langhinai arenTa?

PAMMUJI 42:4

Allo bangngia' angngarru', je'ne' mata mami kanre-kanreangku. Sila'busu'na alloa akkuta'nang musungku angkana, “Kemaeji Allata'alanu?”

PAMMUJI 31:18

TeaKi' balang parekangia' nipakasiri', o, Batara, saba' akkioka' mae ri Katte. Lappassammi nipakasiri' tu ja'dalaka, na'mereki naung ri linona tu matea.

PAMMUJI 17:9

battu ri pa'bakkana tau ja'dalaka. Nitammulilia' ri musu eroka ambunoa';

PAMMUJI 10:18

Ana' kukanga siagang tu nijallakkanga Kipattojengi parkarana, sollanna tenamo tau ampakamallaki ke'nanga.

PAMMUJI 9:6

IKatte le'ba' anghukkungi bansa-bansaya siagang Kiposso' sikamma tu ja'dalaka; nikaluppaimi ke'nanga sa'genna satunggu-tungguna.

PAMMUJI 8:2

O, Batara, Allata'alana ikambe, masahoroki koasaTa ri sikontu linoa! KalompoanTa natompoki langika

PAMMUJI 7:2

O, Batara Allata'alaku, iKatte kupa'la'langi; Kipasalamaka' siagang Kilappassanga' battu ri sikontu tau angngondanga'.

ESTER 7:6

Appialimi Ester angkana, “Iaminne Haman ja'dala' siagang musu ansessayai ikambe!” Sanna'mi malla'na Haman anciniki karaenga siagang ratua.

NEHEMIA 2:2

Lanri kammana, akkuta'nammi ri nakke angkana, “Angngapa nasusa kamma nicini' tanja'nu, nampa tenaja nugarring? Mattantu nia' nukalussakkang.” Ta'bangkama',

1 SAMUEL 24:19

Langkara' sikali nia' tau assibuntulu' siagang musunna nampa naboli' attallasa' anjo musunna! Jari, tapporo Nabarakkakiko Batara lanri anjo panggaukang baji'nu anne alloa mae ri nakke!

1 SAMUEL 18:29

Jari pila' malla'mi mae ri Daud, na nakabirisi lalang sikontu tallasa'na.

LUKAS 22:53

Allo-alloKu nia' siagang ikau ngaseng lalang ri Balla'Na Batara, natena nujakkalaKa'. Mingka iaminne wattunnu lappanggaukang ngaseng. Iaminne wattunna tau koasaya ri sassanga lappanggaukang.”

YEREMIA 45:3

akkunrarengko kamma anne, ‘Ah, teai sipato' cilakaku anne! Jai sikali kasukkarrangku, nampa Natambai pole Batara siagang kasessang. Mangngamma' akkunrareng, tena sikali kasannangngang!’

PAMMUJI 38:17

TeaKi' balang parekangi musungku sannang ancinika' susa, teaKi' balang parekangi ke'nanga akkana borro punna ta'lengga'.

PAMMUJI 6:4

Tamaka linguna atingku; sa'ge kerea' wattu laKibokoi, o Batara?

PIRAUNG 5:20

Angngapa Kisallo kamma ambokoi ikambe? Maka tuli latakkaluppa maKi' mae ri kambe?