1 Untu' pamimping pakelong. Pammujina Daud.
Angngapa Ki'lili siagang bella battu ri nakke? Apa saba'na naKipa'jari musua'?
Kipakabodoi umuru' rungkana, nampa Kitongko' kalenna siagang siri'.
Angngapa Kisallo kamma ambokoi ikambe? Maka tuli latakkaluppa maKi' mae ri kambe?
O, Allata'ala, Kipammollei ikambe; lammoro' pa'mai' maKi' anciniki ikambe, nalasalama' ikambe.
Kikamaseanga', o Batara, lanri tenamo kagassingangku, Kipakajarreka' lanri dodongku.
Ambangung maKi', o, Batara! Angngapa Kitinro? Ammenteng maKi'! TeaKi' tollaki ikambe satunggu-tungguna.
Sa'genna kemae wattu, o, Batara, sa'genna kemae wattu, Kicini'-cinikija' bawang? Kipasalama' laloa' battu ri pa'bakkana ke'nanga, Kipasalamaki nyawaku battu ri anjo singa-singaya.
Ammenteng maKi', o, Batara, hukkungi tu ja'dalaka! Kiu'rangi tau nijallakkanga!
Kipakabajiki ammotere' ikambe, o, Allata'ala Tumappasalama'na ikambe, tea' maKi' kalarroi pole ikambe.
Kelong pangngajarang battu ri Asaf. O, Allata'ala, latulusu' Kibokoika ikambe? Angngapa Kitulusu' larro mae ri umma' kalenTa?
Lanri kaja'dallannu natena Napilangngeriko ri wattunnu appala' doang mae ri Ia. Dosa-dosanu ampasisa'lakko siagang Allata'ala.
Kipakajaimi pangngamaseanTa mae ri kambe bari'-bari'basa', sollanna rannu siagang akkelong ikambe lalang sikontu tallasa'na.
Punna kajariang anjo kammaya, la'bettese'mi larroKu mae ri ke'nanga. LaKubokoi ke'nanga siagang laKupanraki. Jai bala lompo lantujui ke'nanga; nampami sadara' ke'nanga angkanaya nakajariang ngaseng anjo kammaya lanri iNakke, Allata'alana ke'nanga, tenamo naKururungangi ke'nanga.
