PAMMUJI 127:1 - KITTA' MATANGKASA'

¹ Kelong battu ri Salomo. Punna teai Batara ambangung balla', sia-siaji tukang-tukanga anjama. Punna teai Batara anjagaiki', sia-siaji sikamma pangawalaka a'jaga.

PAMMUJI 127:1 Referans Kwoze

PANGNGEBARANG 16:9

Akkullei rupataua appare' rancana, mingka Allata'ala ampattantui oloang tallasa'na.

1 KORINTUS 3:7

Jari ia parallua iamintu Allata'ala, nasaba' Iami appattimbo. Tau a'lamunga siagang tau anynyiranga je'ne' tena naparallu;

PAMMUJI 124:1

Kelong siara battu ri Daud. Antekamma ebara' tena Naagangngangki' Batara? He Israel, appialiko angkana,

YESAYA 62:6

Lammolika' pangawala' ri tembo' kalli'na Yerusalem; allo bangngi ke'nanga takkulleai a'mereki, mingka musti tuli napakaingaki Allata'ala mae ri janjinNa le'baka Napare'.

1 PATTOTTORANG 28:10

U'rangi baji'-baji' angkanaya le'ba' mako Napile untu' ambangung balla' untu' KalenNa. Jari, kamma-kamma anne gaukammi anjo, na nupatterassang ero'nu.”

YEREMIA 51:12

Assareko tanra untu' maju ambunduki tembo'-tembo'na Babel. Pakajarreki pa'jaganga. Appa'niakko pajaga. Apparuruko untu' maju a'bakka!” Napa'rupami Batara apa le'baka Narancanakang mae ri tu Babel.

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

1 KORINTUS 15:14

Siagang ebara' angkana tena nanipattallasa' poleang ammotere' Almasi battu ri kamateanga, tenamo matu-matunna anjo apa le'baka nabirittakang ikambe; kammayatompa tena tommo matu-matunnu a'jari tappa', nasaba' tena panna'galanna anjo katappakkannu.

PAMMUJI 121:1

Kelong siara. Accinika' mae ri moncong-monconga, battu kemae labattu pannulungku?

PAMMUJI 123:1

Kelong siara. Acconga' a'dalle' nai' mae ri Katte o, Batara ammarentaya ri suruga.

PAMMUJI 120:1

Kelong siara. Lalang kasusaangku akkioka' mae ri Batara, na Napialia'.

PAMMUJI 125:1

Kelong siara. Tau tappaka mae ri Batara, sanrapangi Bulu' Sion majarre' tama'lenggaya, attahang satunggu-tungguna.

PAMMUJI 78:69

Nabangungi Balla'Na sanrapang pammantanganNa ri suruga, sanrapang lino, kassaka sa'genna satunggu-tungguna.

YESAYA 56:10

Nakana Batara, “Sangnging tau buta sikamma pamimpinna bansaKu! Tena apa-apa naasseng ke'nanga. Rapangi ke'nanga kongkong pepe tenaya nappilollong, mingka attinroji siagang asso'naji bawang. Sannang sikali tinrona ke'nanga!

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

PAMMUJI 126:1

Kelong siara. Ri wattunna Napammole Batara lampa-lampana Yerusalem, sangkammaki' tau asso'na!

PAMMUJI 122:1

Kelong siara battu ri Daud. Rannua' ri wattunna nakana taua mae ri nakke, “Umba kimange ri Balla'Na Batara!”

YESAYA 27:3

INakke, Batara, pajagana; tunggala' wattu Kusirangi, allo bangngi Kujagai, sollanna tena angganggui.

1 PATTOTTORANG 29:19

Kisarei Salomo, ana' bura'neku, kaerokang attojeng-tojenga untu' anturuki sikontu parentaTa, siagang untu' ambangungi anjo balla' sambayanga, ia le'bakamo kupa'nia' parsadiaanna.”

GALATIA 4:11

Bata-batai nyawaku, gassingka la'jari sia-siaji posoku mae ri kau.

KELONG MALA'BIRI' 5:7

Nabattuia' paronda kotaya; naba'jia' ke'nanga sa'gengku loko', naalle passai bongongku.

KELONG MALA'BIRI' 3:3

Kubattui paronda kotaya, na kukuta'nang, “Tanucinikai tu ta'dongkoka ri atingku?”

YEREMIA 51:31

A'le'basa'-le'basa'mi lari tunisuroa mange ampauangi karaeng Babel angkanaya nibundukimi kotana battu ri kere-keremae.

PAMMUJI 72:1

Battu ri Salomo. O, Allata'ala, Kipangngajarrangi hukkunTa mae ri karaenga, Kipassareangi kaadelanTa mae ri ana' bura'nena karaenga.

PAOLE 8:18

U'rangi angkanaya sikontu tojenna Karaeng Allata'alanu ansareko kakalumanynyangngang. Nagaukangi anjo kammaya lanri sa'genna anne alloa tuli tamamminrana mae ri parjanjiang Napareka siagang boe-boenu.

YOSUA 2:2

Nalangngereki karaenna kota Yerikho angkanaya nia' tu Israel battu ammata-matai daera Yerikho.

1 KARAENG-KARAENG 5:12

Narupaimi janjinNa Batara, na Nasaremo Salomo pangngassengang mabaji'. Hiram siagang Salomo bajiki passisambunganna, siagang appare'mi ke'nanga parjanjiang passikko'.