PAMMUJI 121:7 - KITTA' MATANGKASA'

⁷ LaNajagaiko Batara battu ri bahayaya, laNajagaiko sollanna salama' tallasa'nu.

PAMMUJI 121:7 Referans Kwoze

2 TIMOTIUS 4:18

Memang, tuli laNalappassanga' Batara battu ri sikontu usaha ja'dalaka mae ri kalengku. LaNaeranga' siagang salama' antama' ri KakaraenganNa ri suruga. Poro nipakala'biriki sa'genna satunggu-tungguna! Aming.

PAMMUJI 41:2

Mate'nei tau amparhatikangai tau lammaya; lanitulungi ri Batara ri wattu kasukkarrang.

PANGNGEBARANG 12:21

Tau bajika talanatujuai bala; tau ja'dalaka tuli lanatujui susa.

PAMMUJI 145:20

Najagai sikontu tau mangngaia mae ri Ia, mingka tau ja'dalaka napossoki.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

PAMMUJI 97:10

He, ikau ngaseng mangngaia ri Batara, kabirisi laloi kaja'dallanga! Saba' Najagai Batara tallasa'na umma'Na, Napakabebasaki ke'nanga battu ri koasana tu dorakaya.

PAMMUJI 34:22

Tu ja'dalaka lamatei lanri kaja'dallanna, tu birisika mae ri tu bajika lanihukkungi.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

PA'JARIANG 28:15

U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

PAMMILANGNGANG 6:24

Dasi-dasi Nanabarakkakiko siagang Naparakaiko Batara.

1 PATTOTTORANG 4:10

Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.