PAMMUJI 121:3 - KITTA' MATANGKASA'

³ Tena nalaNabalang parekangko tu'guru', tuli Najagaiko pajaganu.

PAMMUJI 121:3 Referans Kwoze

PANGNGEBARANG 3:26

LaNajagaiko Batara. Tena nalaNabalang parekangko tu'guru' antama' ri sikko' nitannanga.

PANGNGEBARANG 3:23

La'jappako siagang amang, siagang tena nulatatto'ro.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.

YESAYA 27:3

INakke, Batara, pajagana; tunggala' wattu Kusirangi, allo bangngi Kujagai, sollanna tena angganggui.

PAMMUJI 91:12

Lanaangkakko ke'nanga lalang pala' limanna, sollanna tena nata'runtu' bangkennu ri batua.

PAMMUJI 127:1

Kelong battu ri Salomo. Punna teai Batara ambangung balla', sia-siaji tukang-tukanga anjama. Punna teai Batara anjagaiki', sia-siaji sikamma pangawalaka a'jaga.

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.

PAMMUJI 66:9

Najagaimi ikambe sollanna tulusu' attallasa' ikambe, siagang tena nabalang parekangi tu'guru' ikambe.

PANGNGEBARANG 2:8

Najagai Batara tau adeleka ri panggaukanna, siagang Nala'langi ke'nanga mangngaia ri Ia.

PAMMUJI 41:2

Mate'nei tau amparhatikangai tau lammaya; lanitulungi ri Batara ri wattu kasukkarrang.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.