PAMMUJI 120:5 - KITTA' MATANGKASA'

⁵ Cilakama' inakke lanri musti attallasakka' siagang ikau; tena simmaraenna ammantang ri Mesekh, yareka ri alla'na tu Kedar.

PAMMUJI 120:5 Referans Kwoze

PA'JARIANG 10:2

Sikamma ana'na Yafet iamintu: Gomer, Magog, Madai, Yawan, Tubal, Mesekh, siagang Tiras.

YEHEZKIEL 27:13

A'danggangko mange ri Yunani, ri Tubal, siagang Mesekh; na salaku ballinna annarimako battu ri ke'nanga iamintu siapa are tau ata siagang barang-barang tambaga.

PA'JARIANG 25:13

Ismael nia' sampulo anrua ana'na. Iaminne areng-arenna situru' kalassukanna: Nebayot, Kedar, Adbeel, Mibsam, Misyma, Duma, Masa, Hadad, Tema, Yetur, Nafis, siagang Kedma. Ia ngasemmi anne a'jari boe-boena sampuloa anrua suku bansa, siagang desana siagang kemana ke'nanga niarengi situru' massing arenna ke'nanga.

KELONG MALA'BIRI' 1:5

Manna kule'leng, mingka ga'gai tanjakku, he tulolonna Yerusalem; le'leng rapang kema-kemana Kedar mingka ga'gai rapang gordeng-gordenna balla' lompona Salomo!

PAPPICINI' 2:13

Kuassengi angkana kemaeko ammantang. Lalangko ammantang ri tampa' kakoasanna Billisika. Tamamminrayako mae ri Nakke. Ba'lalo, ri wattunna nibuno Antipas ri Billisika ri dallekannu, iamintu sa'biKu tamamminraya, tena todong nanussassala' angkanaya tappakko mae ri Nakke.

YEHEZKIEL 39:1

Nakana Batara Kaminang Tinggia, “He tau, ancangi Gog, karaeng lompo battua ri pa'rasangang Mesekh siagang Tubal, siagang pauangi angkanaya iNakke anne musunna.

YEHEZKIEL 27:21

Tu Arab siagang ammarentaya ri butta Kedar naballi barang-barannu siagang ana' gimbala', gimbala' laki siagang bembe.

YEREMIA 15:10

Tojeng, inakke siala' memang tonga'. Untu' apa nanalassukanga' anrongku? Tunggala' tau niaka ri anne pa'rasanganga kuagang ngasengi a'besere' siagang a'gea'. Manna kutale'baka appapiinrang yareka angnginrang, mingka nitunraia ri sikontu taua.

1 SAMUEL 25:1

Tena nasallo, matemi Samuel. A'rappungang ngasemmi tu Israel untu' anghaderi pa'gaukang kasusaanga. Nampa nitarawang Samuel ri balla'na ri Rama. Le'baki anjo a'lampami Daud mange ri parang lompo Paran.