PAMMUJI 119:94 - KITTA' MATANGKASA'

⁹⁴ Kipasalama' laloa', saba' inakke anne iKatte ampatanga', le'ba'mi kuusahai mannuruki ri kaputusanTa.

PAMMUJI 119:94 Referans Kwoze

ZEFANYA 3:17

Nala'langiko Karaeng Allata'alanu porea. Ammetako lanri kakoasanNa. Rannui pa'mai'Na siagang sannangi nyawaNa Batara lanri ikau, lanri pangngamaseanNa na Nasareko katallassang beru.

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

PAMMUJI 119:27

Kitulunga' untu' ampahangi hukkung-hukkunTa, ajarang malompoTa lakunawa-nawai.

PAMMUJI 86:2

Kijagai tallasakku, saba' iKatte angkamaseanga', pasalamaki atanTa ia tappaka mae ri Katte.

YESAYA 44:5

Tasse're-se're tau lamangakui angkana iNakke ampatangi, na battu asse're siagang turunganna Yakub. Massing natulisiki ri limanna angkana: Batara Ampatangi, na naareng kalenna anggotana umma'Na Allata'ala.”

PAMMUJI 119:173

Poro tuli rella laloKi' antulunga', saba' kupilemi mannurukia ri paratoranTa.

PAMMUJI 119:40

Kisarea' katallassang beru, saba' iKatte adelekKi', inakke cinna' mannuruki ri sikamma kaputusanTa.

PAMMUJI 3:8

Kipasalamaka', o Batara Allata'alaku, hukkungi naKipesoki sikontu balingku.

PAMMUJI 119:45

Nakulabebasa' lalang tallasakku, lanri usahaku anturuki ajaranTa.

PAMMUJI 119:146

Akkioka' ri Katte, Kipasalamaka', erokka' anna'gala' ri paratoranTa.

PAMMUJI 119:170

Boli'mi kamma ta'rapi' pappalakku mae ri Katte, Kipasalamaka' situru' janjinTa.

KELONG MALA'BIRI' 6:3

Inakke napatanga' tanringku, na ia kalenna inakke pata, nakalawaki gimbala'na ri tangngana bunga-bunga bakunga.

YEREMIA 17:14

Batara, Kipammollea', nakua'jari akkamale. Pasalamakka', nakuakkulle salama'. IKatteji bawang Kupakala'biri'!