PAMMUJI 119:92 - KITTA' MATANGKASA'

⁹² Ebara' angkana hukkunTa teai nakabattui karannuangku, mattantu le'ba'ma' mate lalang ri pa'risikku.

PAMMUJI 119:92 Referans Kwoze

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

PAMMUJI 119:143

Nitujua' ri kasukkarrang siagang kasusaang, mingka katantuanTa ampakarannui pa'maikku.

PAMMUJI 119:77

Kikamaseanga', nakutuli attallasa', lanri hukkunTa napakasannangi pa'maikku.

PAMMUJI 119:24

Paratorang-paratoranTa a'jari pappakaingakku ia ampakasannangi pa'maikku.

PAMMUJI 27:13

Tappaka' angkana lakukasiaki kabajikanNa Batara lalang tallasakku ri anne linoa.

PAMMUJI 119:16

A'jari sannangi pa'maikku lanri katantuanTa; tena nalakukaluppai ajaranTa.

PAMMUJI 119:50

Iaminne ansaleoria' lalang ri pa'risikku, angkanaya anjo janjinTa assarea' tallasa'.