PAMMUJI 119:81 - KITTA' MATANGKASA'

⁸¹ Sanna' nakku'na pa'maikku mae ri kasalamakkang battua ri Katte; manrannuanga' ri janjinTa.

PAMMUJI 119:81 Referans Kwoze

PAMMUJI 84:2

Tamaka appakasannanna tampa' pammantanganTa, o, Allata'ala Kaminang Koasaya!

PAMMUJI 119:40

Kisarea' katallassang beru, saba' iKatte adelekKi', inakke cinna' mannuruki ri sikamma kaputusanTa.

PAMMUJI 73:26

Manna pole na'jari lamma nyawaku siagang batangkalengku, iKatte kagassingangku, o, Allata'ala; iKattemi yangasenna kupatanga sa'genna satunggu-tungguna.

KELONG MALA'BIRI' 5:8

A'janjiko, he sikamma tulolonna Yerusalem, punna nubuntulu' tanringku, pabattu laloi mae ri ia angkana garringa' ri pattanringang.

PAMMUJI 119:114

IKattemi mappatojengku siagang pa'la'langangku, manrannuanga' mae ri janjinTa.

PAMMUJI 119:77

Kikamaseanga', nakutuli attallasa', lanri hukkunTa napakasannangi pa'maikku.

PAMMUJI 119:74

Tau mappilangngeria lasannangi pa'mai'na punna nacinikka', lanri manrannuanga' mae ri janjinTa.

PAMMUJI 119:42

Nakukkulle appiali ri tau anghinaya', saba' kana-kananTa panrannuangku.

PAMMUJI 119:20

Pa'risiki pa'maikku napakamma nakku', sikontuna wattu erokka' angngassengi hukkunTa.

AYUB 19:27

Mata kalengku laccini' mae ri Ia, Iami a'jari sahabakku. Ancuruki pa'maikku lanri nukanana ngaseng,

PAMMUJI 119:41

O, Batara, Kipicinikianga' antekamma mangngamaseanTa ri nakke, Kipasalamaka' situru' siagang janjinTa.

PAMMUJI 119:43

Kitulunga' untu' tulusu' ampaui annabaya, saba' manrannuanga' mae ri kaputusanTa.

PAMMUJI 130:5

Kutayangi bantuanNa Batara, janjinNa kurannuangi.