PAMMUJI 119:78 - KITTA' MATANGKASA'

⁷⁸ Boli'mi kamma tau borroa a'jari siri'-siri' lanri le'baka' napitina, mingka lakunawa-nawai sikamma parentaTa.

PAMMUJI 119:78 Referans Kwoze

1 PETRUS 2:20

Nasaba' apa kala'bianna punna sa'barakko angkasiaki hukkungang siratang memang todonga nutarima lanri kasalannu? Mingka punna sa'barakko antarimai kasessang antujuako lanri nugaukanna katojenganga, laNabarakkaki mako Allata'ala.

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

PAMMUJI 119:51

Tau borroa sanna' nahinaTa, mingka inakke tena nakudakkai hukkunTa.

PAMMUJI 119:23

Manna nasikongkolo' sikamma pamarentaya ambalianga', anne atanTa lananawa-nawai katantuanTa.

PAMMUJI 25:3

Tu ta'baleka ri Katte lanipakasiriki, mingka tu tappaka ri Katte tena nalanipassalasa.

YEREMIA 50:32

Anjo bansanu tinggi langgaya latatto'roi na tu'guru'. Tena manna sitau lantulungko ampabangungko. Kota-kotanu laKutunui, siagang sikontu apa niaka ri tammulilina laKuancuruki.”

PAMMUJI 119:21

Kikalarroi tau borroa, naKitunrai tau andakkaiyai parentaTa.

PAMMUJI 109:3

Nabakkaia' ke'nanga siagang kana-kana pangngabirisi, nabundukia' ke'nanga natena passabakkanna.

PAMMUJI 69:4

Akkio'-kiokka' sa'gengku mangngang nakalotoro'mo karro'-karrokku. Paccemi matangku antayangi pannulunNa Allata'alaku.

PAMMUJI 35:26

Boli'mi kamma tau sannanga anciniki pa'risikku a'jari lingu siagang a'jari siri'-siri'. Boli'mi kamma tau napattampoanga kalenna mae ri nakke nihina siagang nipakasiri'.

PAMMUJI 35:7

Sia-siaji ke'nanga attannang sikko' untu' inakke yareka angngeke kali'bong untu' anjakkalaka'.

PAMMUJI 1:2

mingka masarro nangai anggaukangi parentaNa Batara nanawa-nawa allo bangngi.

1 SAMUEL 26:18

Nampa nakana pole, “Angngapa natuli kiondangija atanta karaeng? Apa kutadeng kasalanna atanta?

1 SAMUEL 24:17

Nampa nakanamo ri Daud, “Ikau annaba, na inakke sala.

PAMMUJI 119:15

Erokka' ampilajari sikontu kaputusanTa, siagang amparhatikangi sikamma pitunju'-pitunjutTa.