PAMMUJI 119:73 - KITTA' MATANGKASA'

⁷³ IKattemi ampa'jaria' siagang amparekka', Kisarea' pammahang untu' ampilajari sikamma parentaTa.

PAMMUJI 119:73 Referans Kwoze

PAMMUJI 138:8

IKatte lanrupai janjinTa mae ri nakke; teaKi' ammari angngalle tindakang untu' ummatTa.

AYUB 31:15

Sai Allata'ala ampa'jaria', na Ia todong ampa'jari sikamma anjo atangku?

2 TIMOTIUS 2:7

Nawa-nawa bajiki anne kupaua, nasaba' laNasareko pakkulle Batara untu' ampahang ngasengi anne passalaka.

PAMMUJI 119:125

Inakke atanTa, Kipipahangianga', sollanna kupahang parentaTa.

PAMMUJI 111:10

Inai ero' cara'de' musti napakalompoi Batara, Nasarei pammahang sikontu tau mannurukia. Nipujimi Batara satunggu-tungguna!

AYUB 32:8

Mingka assarea kacara'dekang mae ri rupataua, RohNa bawang Allata'ala Kaminang Koasaya.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.

PAMMUJI 119:34

Kipa'jari pahanga' ri hukkunTa sollanna kuturuki, siagang kugaukang siagang sibatu pa'maikku.

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

YAKOBUS 3:18

Memang anjo kabajikanga, iami wassele' binena passiamakkang napakioroka tau nangaia assiama'!

PAMMUJI 119:169

Poro ta'rapiki mae ri Katte pakkiokku, o, Batara, Kisarea' pangngassengang, situru' janjinTa.

2 PATTOTTORANG 2:12

Poro nipuji arenNa Karaeng Allata'alana Israel, Papare' langika siagang buttaya! Nasarei Daud sitau ana' bura'ne sannaka cara'de'na ri kabajikang, siagang niaka pangngassenganna, niaka kamma-kamma anne angngusaha ambangung se're balla' untu' Batara siagang sibatu balla' karaeng untu' kalenna.

PAMMUJI 119:144

Tuli adeleki paratoranTa; Kisare laloa' pangngassengang sollangku attallasa'.

1 PATTOTTORANG 22:12

Na poro Nasareko Karaeng Allata'alanu kacara'dekang siagang pangngassengang untu' ammarenta ri Israel situru' hukkung-hukkunNa.

PAMMUJI 95:6

Umba kisu'ju' anynyomba mae ri Ia, akkulantu' ri dallekanNa Batara, Tumapparetta.