PAMMUJI 119:67 - KITTA' MATANGKASA'

⁶⁷ Ri tenanapa nihukkunga', ammengka sala', anne kamma anna'gala' jarre'ma' ri parentaTa.

PAMMUJI 119:67 Referans Kwoze

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

PAMMUJI 119:71

Memang bajiki lanri Kihukkunga' sollanna kuasseng sikamma katantuanTa.

PAMMUJI 119:75

Kuassengi angkanaya adeleki kaputusanTa, o, Batara, le'ba'ma' Kihukkung lanri tamamminraTa,

PAMMUJI 119:176

Sala oloanga' sanrapang gimbala' tappelaka, jari battu maKi', na Kiboya anne atanTa, saba' tena kubalang parekangi sikamma parentaTa.

PAPPICINI' 3:10

Lanri nuturukimi apa Kuparentakanga mae ri kau, iamintu Kukellaiko tamalanrea, laKujagai mako ri kasusaang lantujuai sallang sikontu linoa. Lakajariangi anjo sikammaya, untu' a'jari paccoba mae ri sikontu rupataua ri lino.

YEREMIA 22:21

Le'ba'Ma' a'bicara ri kau ri wattunna baji' kaadaannu, mingka taerokako mappilangngeri. Memang kammaminjo gau'-gau'nu battu riolo sa'genna kamma-kamma anne; tale'bakako ero' mannuruki ri Nakke.

PANGNGEBARANG 1:32

Tau tenaya pangalamanna lamatei lanri tanajampangia', kammayatompa tau toloa laancuruki lanri tanajampangia'.

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

2 SAMUEL 10:19

Ri wattunna sikamma karaeng nikoasaia ri Hadadezer nacini'mi angkanaya nibetami ke'nanga ri tantara Israel, napala'mi ke'nanga assibajiki nampa tundu' mae ri tu Israel. Appakkaramula anjo wattua tenamo nabarani tu Siria ambantui tu Amon.