PAMMUJI 119:64 - KITTA' MATANGKASA'

⁶⁴ Rassi linoa siagang pangngamaseanTa, o, Batara, ajaria' sikamma katantuanTa.

PAMMUJI 119:64 Referans Kwoze

PAMMUJI 33:5

Nangai kalambusanga siagang kaadelanga; sikontu linoa rassi siagang pangngamaseanNa.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

PAMMUJI 119:12

Mammujia' mae ri Katte, o, Batara, Kiajarakka' ri katantuanTa.

PAMMUJI 145:9

Lammoro' pa'maiki mae ri sikontu taua, siagang Nakamaseang sikontu apa Napa'jaria.

PAMMUJI 119:26

Kumangakui panggaukangku, nampa appialimaKi' ri nakke; Kiajaria' katantuanTa.

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

PAMMUJI 104:13

Battu ri langi' Kipaturung bosia ri moncong-monconga, rassi linoa siagang bate paretTa.

PAMMUJI 27:11

Kipicinikianga' apa Kikaerokia, o, Batara, rurunganga' mange ri oloang lambusuka, saba' tamaka jaina musungku.