PAMMUJI 119:58 - KITTA' MATANGKASA'

⁵⁸ Sibatu pa'maikku appala' pangngamaseanTa Kikamaseang laloa' situru' janjinTa.

PAMMUJI 119:58 Referans Kwoze

PAMMUJI 119:41

O, Batara, Kipicinikianga' antekamma mangngamaseanTa ri nakke, Kipasalamaka' situru' siagang janjinTa.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

PAMMUJI 119:170

Boli'mi kamma ta'rapi' pappalakku mae ri Katte, Kipasalamaka' situru' janjinTa.

PAMMUJI 119:10

Lalang sibatu pa'maikku kuusahai angngassengKi', teaKi' lappassangngia' andakkai parentaTa.

PAMMUJI 27:8

Kikana, “Battuko mae anynyomba ri Nakke.” Appialima' kukana, “Lintakka' battu, o, Batara;

PAMMUJI 4:6

Passareangi koro'bang mannabaya na tappa' mako ri Batara.

1 KARAENG-KARAENG 13:6

Nampa nakanamo Karaeng Yerobeam ri anjo na'bia, “Tulunga' nuppala' doang mae ri Karaeng Allata'alanu untu' inakke. Palaki pangngamaseanNa sollanna Napakabaji' limangku!” Appala' doammi anjo na'bia ri Batara, nampa baji'mo limanna karaenga.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

HOSEA 7:14

Tena nattojeng-tojeng ke'nanga appala' doang mae ri Nakke. Punna appala' doangi ke'nanga, napatappasaki kalenna naung ri katinroanga, siagang appiraungi ke'nanga sangkamma nagaukanga tau tenaya natappa' mae ri Nakke. Punna appala' doang ke'nanga untu' appala' gandung siagang anggoro', naloko'-lokoki kalenna ke'nanga sangkamma nagaukanga tu anynyombaya mae ri rewataya. Ma'nassa angngewa tojeng-tojengi ke'nanga ri Nakke!

PAMMUJI 138:2

Su'juka' a'dalle' mae ri Balla' matangkasatTa nakupuji arenTa, saba' tamamminrayaKi' siagang tulusu' mangngamaseangKi'. La'bi Kiparalluangangi janjinTa kala panggappa pikkiranna taua mae ri Katte.

PAMMUJI 119:76

Poro pangngamaseanTa a'jari panynyaleoringku, situru' janjinTa mae ri atanTa.

PAMMUJI 119:65

Kirupaimi janjinTa, o, Batara, siagang baji'mi Kigaukang mae ri atanTa.

PAMMUJI 56:10

Ri allo akkiokku mae ri Katte, lanitunrungi ammunduru' musua, saba' kuassengi angkana agang mae ri nakke Allata'ala.

PAMMUJI 56:4

Ri wattungku malla', manrannuanga' ri Katte.

AYUB 11:19

Tena nulamalla' mae ri musua; jai tau lappala' tulung mae ri kau.

PAMMUJI 119:145

Akkioka' mae ri Katte siagang sibatu pa'maikku; Kipiali laloa', o, Batara, erokka' mannuruki ri parentaTa.