PAMMUJI 119:55 - KITTA' MATANGKASA'

⁵⁵ Ri wattunna bangngi mangngu'rangia' mae ri Katte, o Batara, tuli kuta'gala'na hukkunTa.

PAMMUJI 119:55 Referans Kwoze

PAMMUJI 63:6

KupujiKi' siagang akkio' rannu ri Katte, saba' Kipassukkuki pakkasia'na nyawaku sangkamma kanre nyamang dudua.

YESAYA 26:9

Punna bangngi, nakkuki nyawaku mae ri Katte, punna bari'basa' mattayangi atingku. Punna sallang Kiadeli buttaya, lanaassemmi pandudu'na linoa apa annabaya.

LAMPA-LAMPANA 16:25

Kira-kira tangnga bangngi sitabangi appala' doang siagang akkelong-kelong mammuji ri Allata'ala Paulus siagang Silas.

PAMMUJI 139:18

Punna kurekeng, jaiangngangi na kassika; punna ambangunga', tuli iKatte kunawa-nawa.

YOHANES 15:10

Punna nugaukang apa-apa Kuparentakanga, ma'nassami angkanaya tuli jarre' mako ri pangngamaseangKu; sangkamma iNakke tuli jarreKa' ri pangngamaseanNa Manggea, lanri Kugaukanna parenta-parentaNa.

YOHANES 14:21

Inai-nai antarimai sikamma parentaKu nampa nagaukang, iami angkamaseangA'. Inai-nai angkamaseangA', lanikamaseang tongi ri ManggeKu. LaKukamaseangi anjo taua, siagang laKupa'nyatai KalengKu mae ri ia.”

LUKAS 6:12

Anjo wattua naiki Isa ri se'reang bonto, untu' appala' doang. Appala' doangi anjoreng sipattang bujuru'.

PAMMUJI 119:34

Kipa'jari pahanga' ri hukkunTa sollanna kuturuki, siagang kugaukang siagang sibatu pa'maikku.

PAMMUJI 119:17

Poro lammoro' pa'maikKi' mae ri anne atanTa, sollangku tuli attallasa' na kumannuruki ri ajaranTa.

PAMMUJI 77:6

Kunawa-nawai allo-allo le'ba' allaloa, kuu'rangi nakunawa-nawa taung-taung a'bokoa.

PAMMUJI 119:44

Erokka' anna'gala' ri hukkunTa, sa'genna satunggu-tungguna.