PAMMUJI 119:51 - KITTA' MATANGKASA'

⁵¹ Tau borroa sanna' nahinaTa, mingka inakke tena nakudakkai hukkunTa.

PAMMUJI 119:51 Referans Kwoze

AYUB 23:11

Majarreka' mannuruki mae ri Ia; tena kule'ba' ammengka battu ri oloang Napattantua.

YEREMIA 20:7

Batara, iKatte anynyonyokka' siagang inakke le'ba'ma' ninyonyo'. IKatte la'bi gassingKi' nainakke siagang le'ba'ma Kipadundu. Nicau-caua' ri tunggala' taua, nihina battu ri bari'basa' sa'genna karueng.

PAMMUJI 119:157

Jai tau ammusua' siagang angngondanga', mingka tena nakubalang parekang paratoranTa.

PAMMUJI 44:18

Yangasennami anjo antujui ikambe manna natenaja natakkaluppa ikambe mae ri Katte yareka angkaluppai parjanjianTa siagang ikambe.

LUKAS 23:35

Ammenteng ngasemmi tau jaia anjoreng ancini'-ciniki Isa. Na nicau-caumi Isa ri pamimping-pamimpinna tu Yahudia angkana, “Le'baki Napasalama' tau maraenga; coba sabeki Napasalama' KalenNa kamma-kamma anne, punna ma'nassa Karaeng Mappasalama' tojengi, nipilea ri Allata'ala!”

YESAYA 42:4

tena naranggasela yareka tappu' minasa, sa'genna nipaenteng kaadelanga ri lino. Sikamma pa'rasangang bellaya nakkuki ri pangngajarranna.”

YESAYA 38:3

“O, Batara, Kiu'rangi laloi angkanaya inakke anne le'ba'ma' allayaniKi' siagang pa'mai' tamamminraku, kammayatompa situlusu'na atingku. Tuli kuusahaimi mannuruki ri erotTa.” Nampa angngarru' pacce Hizkia.

PAMMUJI 119:69

Tau borroa napitina', mingka mannurukia' ri kaputusanTa sibatu pa'maikku.

PAMMUJI 119:31

Kuturukimi sikamma paratoranTa, o, Batara, teaKi' balang parekangia' nipakasiri'.

PAMMUJI 119:21

Kikalarroi tau borroa, naKitunrai tau andakkaiyai parentaTa.