PAMMUJI 119:50 - KITTA' MATANGKASA'

⁵⁰ Iaminne ansaleoria' lalang ri pa'risikku, angkanaya anjo janjinTa assarea' tallasa'.

PAMMUJI 119:50 Referans Kwoze

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

YOHANES 6:63

Assareai katallassang rupataua iamintu RohNa Allata'ala. Tena matu-matunna kagassinganna rupataua. Kana-kana Kupabattua ri kau ngaseng iamintu kana-kana RohNa Allata'ala, assarea katallassang.

PAMMUJI 94:19

Punna susa siagang lussa' pa'maikku, Kisaleoria' siagang Kipakarannua'.

PAMMUJI 28:7

Batara pa'la'langangku siagang Tumappatojengku, tappaka' mae ri Ia. Natulunga' siagang Napakarannui pa'maikku, mammujia' mae ri Ia siagang lagu sukkuru'.

PAMMUJI 42:11

Ancuru' taba sikali pa'maikku lanri nicau-cau ri musu. Tulusu' akkuta'nanna ke'nanga angkana, “Kemaeji Allata'alanu?”

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

PAMMUJI 27:13

Tappaka' angkana lakukasiaki kabajikanNa Batara lalang tallasakku ri anne linoa.

PAMMUJI 119:25

Attinroa' lalang ri limbu'buka; Kipammollei tallasakku situru' janjinTa.

YEHEZKIEL 37:10

Jari a'bicarama' situru' Naparentanga Batara, siagang napappatuikammo anginga anjo nappasaka antama' ri sikamma anjo tubua sa'genna attallasa'mo siagang ammentemmo ke'nanga. Teai sipato' jaina, sa'genna anggannaki a'jari se're pasukang tantara lompo.

1 PETRUS 2:2

Paralluko a'jari sanrapang ana' lolo beru lassuka, tuli turerea ero' angnginung je'ne' susu rohani tenaya bengkoro'na, sollannu akkulle a'bakka' siagang nipasalama'.

1 PETRUS 1:3

Maeko nakiappala' sukkuru' mae ri Allata'ala, ManggeNa Batarata Isa Almasi! Sanna' mangngamaseanNa mae ri katte; lanri kammanami anjo naNasare maki' katallassang beru. Carana iamintu, Napattallasa' poleangi ammotere' Isa Almasi battu ri kamateanga. Iaminne assareki' panrannuang attantua.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

PAMMUJI 119:38

Kipakajarreki janjinTa mae ri anne atanTa, Kipassareanga mae ri tau mannurukia mae ri Katte.

PAMMUJI 119:41

O, Batara, Kipicinikianga' antekamma mangngamaseanTa ri nakke, Kipasalamaka' situru' siagang janjinTa.

PAMMUJI 119:92

Ebara' angkana hukkunTa teai nakabattui karannuangku, mattantu le'ba'ma' mate lalang ri pa'risikku.

PAMMUJI 138:7

Wattungku nituju ri kasusaang, Kipartahangkangi tallasakku. Kiewai musungku sitabanga a'jallo' nampa Kipasalamaka' siagang koasaTa.