PAMMUJI 119:46 - KITTA' MATANGKASA'

⁴⁶ Lakukabarrangi paratoranTa mae ri sikamma karaenga, na tena kulanipakasiri'.

PAMMUJI 119:46 Referans Kwoze

ROMA 1:16

Inakke tappa' sikalia' mae ri anjo Kabara' Bajika, lanri iaminjo kabara' kakoasanNa Allata'ala eroka ampasalamaki sikontu tau tappaka; uru-uruna iamintu bansa Yahudia, nampa bansa maraenga pole.

MARKUS 8:38

Punna nia' tau siri'-siri' angngakuiA' siagang pangngajarangKu ri anne jammang sannaka dorakana siagang ja'dala'na, tena todong Naero' Ana' Ma'rupataua angngakui sallang punna battui siagang koasaNa ManggeNa, nirurungang ri malaeka'-malaeka' matangkasa'Na.”

PAMMUJI 138:1

Battu ri Daud. O, Batara, erokka' appala' sukkuru' mae ri Katte, lalang sibatu pa'maikku. Ri dallekanna sikontu rewataya kukkelong lagu pammuji mae ri Katte.

2 TIMOTIUS 1:8

Lanri kammana, teako siri'-siriki a'jari sa'bi mae ri Batarata, siagang tea tongko kasirikangia', ia nitarungkua lanri Batarata. Mingka, lanri kagassingang nugappaya battu ri Allata'ala, siratangko angkasia' tongi kasessanga untu' anjo Kabara' Bajika.

FILIPI 1:20

Iaji kukaerokia siagang kuminasaia, iamintu: tapporo tena sikali laloja nakusia-sia lalang ri jama-jamangku. Mingka tuli ma'minasaku, la'biangampa ri kamma-kammaya anne, sollanna akkulle a'jari barani nyawaku siagang batangkalengku – baji' na ri wattu attallasakku yareka ri wattu mateku – kupakala'biriki Almasi.

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.

2 TIMOTIUS 1:16

Mingka a'mole-molema' nipakarannu ri Onesiforus siagang sikamma tubone balla'na. Poro nisare laloi pangngamaseang ke'nanga ri Batara. Manna kulalang ri tarungkua, mingka tena nakasirikanga' Onesiforus.