PAMMUJI 119:40 - KITTA' MATANGKASA'

⁴⁰ Kisarea' katallassang beru, saba' iKatte adelekKi', inakke cinna' mannuruki ri sikamma kaputusanTa.

PAMMUJI 119:40 Referans Kwoze

YOHANES 10:10

Punna palukka' battu, ero'naji a'lukka', ammuno siagang ammanraki. Mingka iNakke naKubattu, sollanna anggappa katallassang rupataua iamintu katallassang kala'bianga.

PAMMUJI 119:20

Pa'risiki pa'maikku napakamma nakku', sikontuna wattu erokka' angngassengi hukkunTa.

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

PAMMUJI 119:159

Kiciniki tamaka kungaina parentaTa, o, Batara, Kipasalamaka' lanri pangngamaseanTa.

PAMMUJI 119:37

Kijagaia' sollanna tena kuondangi apa tenaya matu-matunna, Kisarea' tallasa' situruka erotTa.

PAMMUJI 119:25

Attinroa' lalang ri limbu'buka; Kipammollei tallasakku situru' janjinTa.

EFESUS 2:5

sa'genna ri wattunna mate katallassang rohanita, lanri gau'-gau' salata, Napattallasa' poleang maki' ammotere' siagang Almasi. Jari, lanri kabajikanNa bawang Allata'ala, naNapasalamakko.

GALATIA 5:17

Nasaba' assisalai ero'na rupataua siagang ero'Na RohNa Allata'ala; kammayatompa assisalai ero'Na RohNa Allata'ala siagang ero'na rupataua. Assisala rua-ruai; jari takkulleako anggaukangi apa nukaerokia.

1 KORINTUS 15:45

Nia' tattulisi' lalang ri Kittaka angkanaya, “tau riolo dudua, iamintu Adam, a'jari tu mattallasa',” mingka ia Adam kala'busanga iamintu Roh assarea katallassang.

MATIUS 26:41

A'jaga-jaga mako siagang appala' doang mako, sollanna tena nanukasiaki paccobaya. Ero' memanji nyawaya anggaukangi tojenga, mingka tamakkulleai tubua lanri lammana.”

PAMMUJI 119:156

Tamaka lompona pangngamaseanTa, o, Batara, pasalamaka' situru' kaadelanTa.

PAMMUJI 119:149

Kipilangngeria' lanri pangngamaseanTa, o, Batara, Kijagai katallassangku lanri kaadelanTa.

PAMMUJI 119:107

Tamaka pa'risikku, o, Batara, Kijagai laloi tallasakku situru' janjinTa.

PAMMUJI 119:88

Kipasalamaka' lanri tuli mangngamaseanTa, sollanna akkulle kuturuki hukkunTa.

3 YOHANES 1:2

appala' doanga' sollannu gassing tamangngapa-apa, siagang baji'-baji' ngaseng ri kalennu, sangkamma baji'na pa'mai'nu.

ROMA 7:24

Jari kammaminjo katallassangku: kuturuki hukkung-hukkung battua ri Allata'ala, siagang pikkirangku, mingka sipa'-sipa' ma'rupatauku mannuruki mae ri dosaya. Teai sipato' cilakaku anne! Inaimi ero' ampasalamaki anne batangkalengku, eroka mange ri kamateanga? Sukkuruka' mae ri Allata'ala! Nasaba' Iami ampasalamakka' tete ri KalenNa Isa Almasi.

YOHANES 5:21

Anjo Manggea ampabangungi tau matea naNasare ke'nanga katallassang sitojennaya siagang mannannunganga; kammayatompa anjo Anaka assarei katallassang mannannungang tau eroka Nasare katallassang.

MARKUS 9:24

Ammarrang lompomi linta' manggena anjo anaka, nakana, “O Batara, tappakka', mingka kurang jarreki tappakku. Kitulunga' sollanna a'jari jarre' tappakku!”

PAMMUJI 119:5

Poro inakke siagang pa'mai' majarre' anturuki paratorang-paratoranTa.