PAMMUJI 119:32 - KITTA' MATANGKASA'

³² Lamannurukia' ri parentaTa siagang sannang pa'mai', saba' iKatte ampa'jaria' la'bi pahang.

PAMMUJI 119:32 Referans Kwoze

1 KARAENG-KARAENG 4:29

Nisaremi pangngassengang mabaji' Salomo ri Allata'ala, siagang pangngassengang la'bi nabiasaya, kammayatompa pammahang lantang sikalia.

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

2 KORINTUS 3:17

Jari, nikanaya Batara anrinni iamintu Roh. Na kere-keremae nia' RohNa Batara, anjoremmi nia' kalappassang.

2 KORINTUS 6:11

Sikamma sari'battang kukarimangngia ri Korintus! A'bicara maki' silambusu'na mae ri kau ngaseng. Sikontu bonena atinta nipauang ngaseng mako.

YOHANES 8:32

lanuassemmi Allata'ala tojenga, siagang lanri kammana minjo nula'jari maradeka.”

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

PAMMUJI 119:45

Nakulabebasa' lalang tallasakku, lanri usahaku anturuki ajaranTa.

PAMMUJI 18:36

O, Batara, Kila'langia' siagang Kipasalamaka', Kipakajarreka' siagang koasaTa; a'jari porema' lanri gautTa.

YOHANES 8:36

Lanri kammana minjo, punna tena nilappassangko ri Anaka, tena nulalappasa' tojeng-tojeng.

1 PETRUS 2:16

Paralluko a'jari tau bebasa' lalang katallassannu; mingka teako pakei anjo kabebasannu untu' antongkoki kaja'dallanga, passangalinna a'jari mako ata-atanNa Allata'ala lalang ri katallassannu.

YESAYA 60:5

Lannasa' mako nucini'na anjo siagang accayami rupannu; dinging-dingingi siagang lompoi pa'mai'nu. Nierangi barang-baranna sikamma bansaya mae ri kau, nitambungiko ri kakalumanynyangang battu ba'leang tamparanga.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

KELONG MALA'BIRI' 1:4

Umba linta', o, karaengku, eranga' antama' ri kamara'nu. Lanri ikau nama'reja-reja ngaseng ikambe, mammuji ri pangngainu la'bia na anggoro'; siratang memangi tuloloa ero' ri kau!

PA'JARIANG 26:22

Nampa a'lette' battu anjoreng, siagang angngekemi pole bungung makatallua. Anjo wattua tena na'jari pa'beserang. Lanri kammana, naaremmi Ishak anjo bungunga “Kabebasang”. Nakanamo, “Kamma-kamma anne Nasare maki' Batara kabebasang untu' ammantang ri anne pa'rasanganga, siagang akkulle maki' a'jari baji' tallasatta anrinni.”