PAMMUJI 119:25 - KITTA' MATANGKASA'

²⁵ Attinroa' lalang ri limbu'buka; Kipammollei tallasakku situru' janjinTa.

PAMMUJI 119:25 Referans Kwoze

PAMMUJI 119:159

Kiciniki tamaka kungaina parentaTa, o, Batara, Kipasalamaka' lanri pangngamaseanTa.

PAMMUJI 71:20

Kipitujuia' jai kapa'risang lompo, mingka iKatte lampoterangi kagassingangku siagang lampabangunga' ammotere' battu ri kuburuka.

PAMMUJI 143:11

Kipasalamaka' situru' janjinTa, o, Batara, lanri kabajikanTa, Kilappassanga' battu ri kasukkarranga.

PAMMUJI 44:25

Angngapa naKiaccokko, na Kikaluppai sessana siagang susana ikambe?

KOLOSE 3:2

Pituju mangemi pikkirannu ri apa-apa niaka anjoreng; teako na ri apa-apa niaka ri linoa.

PAMMUJI 119:156

Tamaka lompona pangngamaseanTa, o, Batara, pasalamaka' situru' kaadelanTa.

PAMMUJI 119:93

Tulusu' tena nalakubalang parekang parentaTa, saba' lanri iami nakitallassia'.

PAMMUJI 119:88

Kipasalamaka' lanri tuli mangngamaseanTa, sollanna akkulle kuturuki hukkunTa.

PAMMUJI 119:40

Kisarea' katallassang beru, saba' iKatte adelekKi', inakke cinna' mannuruki ri sikamma kaputusanTa.

PAMMUJI 119:37

Kijagaia' sollanna tena kuondangi apa tenaya matu-matunna, Kisarea' tallasa' situruka erotTa.

PAMMUJI 80:18

Kijagai tau le'baka Kipile, ana' rupatau Kipa'jari gassinga untu' kalenTa.

PAOLE 30:6

Ikau siagang jari-jarinu lanisareko nyawa sarroa mannuruki, sa'gennu mangngamaseang ri Karaeng Allata'alanu lalang sikontu pa'mai'nu siagang akkulleko tulusu' ammantang ri anjo buttaya.

FILIPI 3:19

Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

PAMMUJI 119:149

Kipilangngeria' lanri pangngamaseanTa, o, Batara, Kijagai katallassangku lanri kaadelanTa.

PAMMUJI 119:107

Tamaka pa'risikku, o, Batara, Kijagai laloi tallasakku situru' janjinTa.

YESAYA 65:25

Serigalaya siagang gimbalaka lasiagangi sipa'rukukang; singaya angnganre rarame sangkamma sapi, siagang ularaka tenamo bahayana. Ri sikontu bulu' matangkasakKu, tenamo lappakarugi siagang a'gau' ja'dala'.”

PAMMUJI 22:15

Tenamo kagassingangku sanrapang je'ne' tattumpaya, sikontu bukungku sangkamma ta'lappasa' ngasemmi ri lesoanna, assolommi atingku sanrapang liling.

MATIUS 16:23

Mingka assailemi Isa ri Petrus nampa Nakana, “A'lampako anrinni, Setang! NualleA' nurompa-rompai. Antu pikkirannu, pikkirang rupatau; teai pikkiranNa Allata'ala!”

PAMMUJI 44:26

Tu'guru'mi ikambe ancuru' ri buttaya, attinro naung ri limbu'buka lanri nibeta.