PAMMUJI 119:174 - KITTA' MATANGKASA'

¹⁷⁴ Nakkuki pa'maikku mae ri kasalamakkang battua ri Katte, hukkunTa ampakarannui pa'maikku.

PAMMUJI 119:174 Referans Kwoze

PAMMUJI 119:16

A'jari sannangi pa'maikku lanri katantuanTa; tena nalakukaluppai ajaranTa.

PAMMUJI 119:162

JanjinTa ampakarannua', sanrapang tau ammuntuluka pa'barang-barangngang.

PAMMUJI 119:111

ParentaTa iami pisakaku satunggu-tungguna, ampakarannui pa'maikku.

PAMMUJI 119:47

Kasannangangku iamintu anggaukangi parentaTa, saba' mangngaia' ri ia.

PAMMUJI 1:2

mingka masarro nangai anggaukangi parentaNa Batara nanawa-nawa allo bangngi.

FILIPI 1:23

Battu pimbalimi pikkirang battua mae ri nakke. Ero' dudua' ambokoi anne linoa nakua'lampa mange ammantang siagang Almasi, nasaba' iaminjo kaminang baji'.

PANGNGEBARANG 13:12

Punna tanigappaya apa niminasaya, ta'ronangi nyawaya; punna nigappa apa nikaerokia, sunggui pa'maika.

PAMMUJI 119:81

Sanna' nakku'na pa'maikku mae ri kasalamakkang battua ri Katte; manrannuanga' ri janjinTa.

PAMMUJI 119:77

Kikamaseanga', nakutuli attallasa', lanri hukkunTa napakasannangi pa'maikku.

PAMMUJI 119:24

Paratorang-paratoranTa a'jari pappakaingakku ia ampakasannangi pa'maikku.

2 SAMUEL 23:5

Kamma tomminjo jari-jariku batena Nabarakkaki Allata'ala, parjanjianNa ri nakke tena pamminraNa, mannannungang siagang sangkaki janjinNa, yangasenna bajiki atoro'na. Natanggongi Allata'ala pammetangku na Naturuki sikontu apa Nakaerokia pa'maikku.

PA'JARIANG 49:18

O Batara, kasalamakkang Kipassareanga, iaminjo sarro kutayanga.

KELONG MALA'BIRI' 5:8

A'janjiko, he sikamma tulolonna Yerusalem, punna nubuntulu' tanringku, pabattu laloi mae ri ia angkana garringa' ri pattanringang.

PAMMUJI 119:41

O, Batara, Kipicinikianga' antekamma mangngamaseanTa ri nakke, Kipasalamaka' situru' siagang janjinTa.