PAMMUJI 119:168 - KITTA' MATANGKASA'

¹⁶⁸ Kuturuki parentaTa siagang pitunjutTa, saba' kiciniki sikontu panggaukangku.

PAMMUJI 119:168 Referans Kwoze

PANGNGEBARANG 5:21

Naciniki Batara sikontu apa-apa nagaukanga rupataua. Manna kemae lampana rupataua, tuli nijannangngi ri Batara.

PAMMUJI 139:3

IKatte ancinikka', baji' ri wattungku anjama yareka wattungku ammari-mari, iKatte angngassengi sikontu apa kugaukanga.

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

AYUB 34:21

Najannangngi tallasa'na rupataua, Naciniki sikontu dakkana.

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

PAMMUJI 98:8

Boli'mi kamma attempa-tempa lima sikamma binangaya, nakkio' rannu sikamma buluka ri dallekanNa Batara.

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.