PAMMUJI 119:163 - KITTA' MATANGKASA'

¹⁶³ Sikontu balle-ballea kukabirisi, mingka hukkunTa kungai.

PAMMUJI 119:163 Referans Kwoze

PAMMUJI 119:128

Lanri kamma nakuttallasa'mo situru' sikontu pitunjutTa; panggaukang ammengkaya kukabirisi.

ROMA 12:9

Angngamaseangko siagang ci'nong pa'mai'. Musti nukabirisi gau' ja'dalaka, siagang anna'gala' jarrekko mae ri apa-apa bajika.

AMOS 5:15

Kabirisi kaja'dallanga, siagang mangngaiko ri kabajikanga, paentengi kaadelanga. Gassingka laNakamaseangi Batara sikamma tau tassesaya battu ri bansa Israel.

PAMMUJI 119:29

Kipakabella' battu ri oloang salaya, lanri kabajikanTa, ajarakka' hukkunTa.

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

EFESUS 4:25

Lanri kammana, parallu ngasengko massing a'gau' lambusu'. Tea' mako a'balle-ballei pole, nasaba' ikatte a'jari ngaseng maki' anggota TubuNa Almasi.

PANGNGEBARANG 30:8

Tena lalo kupaui kana-kana jekkonga siagang a'balle-ballea, siagang teaKi' lappassangia' a'jari kasi-asi yareka akkalumanynyang. Kisarea' apa kuparalluanga bawang.

PAMMUJI 119:113

Kungai hukkung-hukkunTa, kukabirisi tau tenaya namajarre' tojeng mae ri Katte.

PAMMUJI 101:7

Patipua takkulleai ammantang ri ballakku; paballe-ballea talattahangngai ri dallekangku.

PAMMUJI 119:47

Kasannangangku iamintu anggaukangi parentaTa, saba' mangngaia' ri ia.

PAMMUJI 119:104

Hukkung-hukkunTa nasarea' pangngassengang, sa'genna kukabirisi panggaukang jekkonga.

PANGNGEBARANG 13:5

Tau lambusuka nakabirisi nikanaya balle-balle, gau'-gau'na tau ja'dalaka appakasiriki na nicalla.