PAMMUJI 119:161 - KITTA' MATANGKASA'

¹⁶¹ Sikamma ammarentaya naondanga' natena passabakkanna, mingka hukkunTaji bawang kukamallakkang.

PAMMUJI 119:161 Referans Kwoze

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

PAMMUJI 119:157

Jai tau ammusua' siagang angngondanga', mingka tena nakubalang parekang paratoranTa.

1 SAMUEL 26:18

Nampa nakana pole, “Angngapa natuli kiondangija atanta karaeng? Apa kutadeng kasalanna atanta?

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

PAMMUJI 119:23

Manna nasikongkolo' sikamma pamarentaya ambalianga', anne atanTa lananawa-nawai katantuanTa.

PAMMUJI 4:4

Assengi angkana, le'ba'mi Napile Batara untu' KalenNa sitau Nakamaseanga. Batara mappilangngeri Punna kumakkio' ri Ia.

AYUB 31:23

Tena kula'gau' kammanjo, saba' hukkunganNa Allata'ala sanna' Napakamalla'na pa'maikku.

PA'JARIANG 39:9

Anrinni sangkammai koasaku siagang koasana Potifar. Tena manna sirupa tanapappirannuangang ri nakke pantaranganna ikatte Ibu'. Antekamma lakkulle kugaukang anjo panggaukang ja'dala' kammaya siagang ladoraka ri Allata'ala?”

NEHEMIA 5:15

Sikamma guburnur rioloangnganga nainakke, nabattalli ra'yaka lanri natuntuki ke'nanga battu ri ra'yaka 40 jaina doe' pera' lalanna siallo untu' kanre siagang anggoro'na ke'nanga. Ba'lalo, manna pagawe-pagawena ke'nanga najallakkang tonji ra'yaka. Mingka inakke taeroka' appakamma lanri mallaka' ri Allata'ala.

2 KARAENG-KARAENG 22:19

assesse'lalang mako siagang nupakatunami kalennu ri dallekangKu. Le'ba'mi Kugammara' Yerusalem siagang pandudu'na angkanaya eroki Kuhukkung. Eroki Kupa'jari anjo kotaya sanna' appakamalla'na nicini', siagang laKupa'jari anjo arenna Yerusalem kana pattunra. Mingka ri wattunna nulangngere' anjo kana panggammarakKu, angngarru' mako siagang nukae-kaemi pakeannu napakamma si'na pa'mai'nu. Kulangngere'mi pappala' doannu,

1 SAMUEL 21:15

Kurangijika tau tenaya silolongang pikkiranna niaka ri tammuliliku, sa'genna nuerang antu tupongoroka mae anrinni ri ballakku?”

PA'JARIANG 42:18

Ri makatalluna alloa nakanamo Yusuf ri ke'nanga, “Inakke tau mallaka' siagang tau mannurukia' ri Allata'ala. Lakulappassangko, mingka nia' se're sara'na.