PAMMUJI 119:150 - KITTA' MATANGKASA'

¹⁵⁰ A'reppese'mi tau angngondangia', ja'dalaki ateka'na ke'nanga siagang tena najampangi hukkunTa.

PAMMUJI 119:150 Referans Kwoze

PAMMUJI 27:2

Punna nibakkaia' ri tu ja'dala' eroka ambunoa', ke'nanga latatto'ro na tu'guru'.

PANGNGEBARANG 28:9

Punna tena numannuruki ri hukkunNa Allata'ala, latakkoa' tongi Allata'ala ri pappala' doannu.

PAMMUJI 50:17

Saba' taerokako antarimai pappakaingakKu, siagang nutollaki parenta-parentaKu.

PAMMUJI 22:16

Kalotoro'mi karro'-karrokku sanrapang kaca ancuruka, a'dakki'mi lilaku ri nga'ngalakku. O, Batara, angngapa naKibokoia' irate ri limbu'buka sanrapang tau mateamo.

AYUB 21:14

Padahala' le'baki angkana ke'nanga ri Allata'ala, ‘BellaKi' anrinni siagang a'lampaKi'! Tanajampangiai ikambe siagang taerokai ikambe ampahangi apa erotTa siagang pattujunTa mae ri tallasa'na ikambe.’

2 SAMUEL 17:16

Nakanamo Husai, “Lintakko. Pabattuangi Daud sollanna tena na'bangngi ri tampa' pa'limbanganga ri binangaya ri parang lompoa. Musti akkaro-karoi a'limbang ri Binanga Yordan. Punna tena, laniancuruki siagang sikontu pasukanna.”

1 SAMUEL 23:16

Mangemi Yonatan angngagangi sibuntulu' anjoreng untu' ampakajarreki tappa'na angkanaya lanikatutui ri Allata'ala.

PANGNGEBARANG 1:22

“He tau dongoka! Siapa sallonu tuli lakamma? Kerepi wattu nanupammari ambawang-bawangngangi pangngassenganga siagang ansorongbokoi pappilajaranga?

PANGNGEBARANG 1:7

Sollanna akkulle nigappa pangngassengang sitojennaya, uru-urua parallu niparhatikang iamintu parallui taua mappakala'biri' siagang malla' mae ri Batara. Tau toloa tena naanggaraki kacara'dekanga siagang taerokai niajara'.

YESAYA 59:11

Mallaki siagang si'nai pa'mai'na ikambe; a'boyai kaadelang ikambe, mingka tena; a'minasai ikambe ri kasalamakkang, mingka sia-siaji.

YESAYA 59:14

Nipakabellami hukkung adeleka, siagang nipalilimi kaadelanga. Nibawang-bawangngammi kalambusanga ri tampa'-tampa' tujaia, siagang nipasa'rimi pa'mai' maci'nonga.