PAMMUJI 119:144 - KITTA' MATANGKASA'

¹⁴⁴ Tuli adeleki paratoranTa; Kisare laloa' pangngassengang sollangku attallasa'.

PAMMUJI 119:144 Referans Kwoze

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

DANIEL 12:10

Jai tau laniso'ri siagang lanitangkasi. Ke'nanga ja'dalaka tena nalanapahangi siagang tulusu' la'gau' ja'dala'na; iaji bawang cara'deka lampahangi.

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

PAMMUJI 119:169

Poro ta'rapiki mae ri Katte pakkiokku, o, Batara, Kisarea' pangngassengang, situru' janjinTa.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

PANGNGEBARANG 10:21

Kana-kananna tau bajika, a'jari barakkaki mae ri tau jaia; kadongokanna tao dongoka ambunoi kalenna.

PAMMUJI 119:73

IKattemi ampa'jaria' siagang amparekka', Kisarea' pammahang untu' ampilajari sikamma parentaTa.

MATIUS 13:19

Anjo bine takkioroka ri aganga, iaminjo a'jari pangngebarang mae ri tau allangngerekami ri passala' antekamma bateNa Allata'ala ammarenta, mingka tanapahangai anjo kabaraka. Battui kaja'dallanga angngalleangi anjo apa le'baka nipakioro' ri atinna ke'nanga.

MATIUS 5:18

U'rangi laloi! Angkanaya lalang nia'na ija langika siagang linoa, manna se're hurupu' yareka titti' kaminang ca'dina anjo atorang agamaya tena sikali lanipela' punna tenapa na'rupa ngaseng!

PAMMUJI 119:152

Battu rioloji nakuasseng battu ri ajarang-ajaranTa, angkanaya Kipattantui untu' satunggu-tungguna.

PAMMUJI 119:138

Sikamma parenta Kipassareanga adeleki nakkulle nirannuang.

PAMMUJI 119:66

Kisarea' kacara'dekang siagang pangngassengang, saba' tappaka' ri sikamma parentaTa.

PAMMUJI 19:9

Anjo paratoranNa Batara coco' sikali, appakasannangi pa'mai'. Anjo Napattantua Batara maci'nongi, napa'jari pahangi taua.

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

PAMMUJI 119:34

Kipa'jari pahanga' ri hukkunTa sollanna kuturuki, siagang kugaukang siagang sibatu pa'maikku.

PAMMUJI 119:17

Poro lammoro' pa'maikKi' mae ri anne atanTa, sollangku tuli attallasa' na kumannuruki ri ajaranTa.

PAMMUJI 119:151

Mingka iKatte a'reppesekKi', o, Batara, annabai sikontu parentaTa.

PANGNGEBARANG 4:4

naajaraka' manggeku. Nakana ri nakke, “U'rangi sikamma pappakaingakku, tea' laloko kaluppai. Gaukangi pitunju'-pitunjukku, sollanna mate'ne tallasa'nu.

PANGNGEBARANG 7:2

Turuki sikamma pappakaingakku sollanna numate'ne ri tallasa'nu. Pinawangi ajarang-ajarang bajikku sanrapang nukatutuinna lisere' mata kalennu.