PAMMUJI 119:133 - KITTA' MATANGKASA'

¹³³ Kipakajarreki dakkaku situru' janjinTa, teaKi' balang parekangia' nikoasai ri kaja'dallanga.

PAMMUJI 119:133 Referans Kwoze

PAMMUJI 17:5

Tuli kuturuki pappijo'jotTa lalang tallasakku tena kule'ba' ammengka sala ri anjo oloanga.

PAMMUJI 19:13

Tena akkulle mangngu'rangi ri kalinguanna; o, Batara Kilappassanga' battu ri kasalang taccokkoa.

PAMMUJI 119:116

Kipakajarreka' situru' janjinTa sollangku attallasa', teaKi' balang parekangia' nila'bai pa'maikku lalang ri panrannuangku.

PAMMUJI 32:8

Nakana Batara, “LaKupicinikiangko oloang mustia nuolo, laKurenrengko siagang laKupakaingakko.

PAMMUJI 121:3

Tena nalaNabalang parekangko tu'guru', tuli Najagaiko pajaganu.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.

PAMMUJI 40:3

Nabesoka' battu lalang ri kali'bong bahayaya, battu lalang ri peo'na binangaya. Nabolika' irate ri bulu' batua, sa'genna baji' dakkaku.