PAMMUJI 119:132 - KITTA' MATANGKASA'

¹³² Assaile maKi' mae ri nakke siagang Kikamaseanga', sangkamma Kikamaseanna tau mangngaia ri Katte.

PAMMUJI 119:132 Referans Kwoze

PAMMUJI 119:124

Kigaukammi mae ri nakke apa situruka janjinTa siagang ajaria' katantuanTa.

PAMMUJI 106:4

Kiu'rangia', o, Batara, lanri kabajikanTa mae ri ummatTa, Kitulung tonga' punna Kipasalama' ke'nanga.

PAMMUJI 25:18

Kiparhatikangi sessaku siagang kasukkarrangku, siagang Kipammopporangi sikontu dosaku.

PAMMUJI 25:16

Cinikia', siagang kamaseanga', saba' Napasalamakka' battu ri bahayaya.

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

PAMMUJI 5:12

Poro rannu pa'mai' ngaseng tu ma'la'langa ri Katte na tuli ma'reja-reja satunggu-tungguna. La'langi sikamma tu mangngaia ri Katte, sollanna rannu ke'nanga lanri iKatte.