PAMMUJI 119:126 - KITTA' MATANGKASA'

¹²⁶ O, Batara, narapi'mi wattunTa angngalle tindakang, lanri nadakkai taua hukkunTa.

PAMMUJI 119:126 Referans Kwoze

YEREMIA 8:8

Barani tojengko nukana kalennu cara'de', siagang nuassengi hukkung-hukkungKu! Cinissai antekamma batena anjo hukkung-hukkungKu nipinra ri panrita-panrita agamaya, a'jekkoa pa'mai'na.

HABAKUK 1:4

Hukkunga nibawang-bawangngangi siagang kaadelanga tale'bakai nipaenteng. Tau ja'dalaka ammetai mae ri tau lambusuka, siagang kaadelanga niputara' baleki.

MATIUS 15:6

anjo tau kammaya tenamo nakkulle nikellai dudu ampakala'biriki tau toana. Jari lanri ada'-ada'na tu riolonu nanubalang parekang kana-kana Napangngajarranga Allata'ala.

MALEAKHI 2:8

Mingka kamma-kamma anne, ikau ngaseng, sikamma imanga, ammengkamako battu ri oloang tojenga. Jai tau anggaukangi salaya lanri ajarang-ajarannu. Nupanrakimi parjanjiang Kupareka siagang ikau ngaseng.

ROMA 4:14

Nasaba' punna tau mannurukiaji bawang ri hukkung-hukkung agama Yahudia lantarimai apa Napa'janjianga Allata'ala, tena sikalimo matu-matunna taua tappa' ri Allata'ala; kammayatompa tena tommo matu-matunna anjo janjinNa Allata'ala.

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

PAMMUJI 9:19

Tena natuli nikaluppai satunggu-tungguna tu kasi-asia; tena natulusu' tena panrannuanna tu sessaya.

YESAYA 42:14

Nakana Allata'ala, “SalloMa' tamakkana-kana; Kutahangi KalengKu, naKua'mereki. Kamma-kamma anne narapi'mi wattungKu untu' angngalle tindakang, erokKa' ammarrang rapang baine ammanaka.

PAMMUJI 102:13

Mingka iKatte, o, Batara, Karaeng satunggu-tunggua, tuli niu'rangiKi' ri sikontu turungang.

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.

PA'JARIANG 22:14

Naaremmi Abraham anjo tampaka “Napasadiai Batara apa niparalluanga.” Na sa'genna kamma-kamma anne tuli nakanana taua “Irate ri bulu'Na Napasadiai Batara apa niparalluanga”.

1 KARAENG-KARAENG 19:10

Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Nabongkaraki ke'nanga tampa'-tampa' pakkoro'bangnganga untu' iKatte nampa nabuno sikamma na'bi-na'biTa. Inakke mami bawang tassesa, nampa kamma-kamma anne eroki ke'nanga ambunoa'!”

PAMMUJI 102:14

LambangungKi' na Kikamaseang Sion, narapi'mi wattunTa untu' mangngamaseang ri ia.