PAMMUJI 119:114 - KITTA' MATANGKASA'

¹¹⁴ IKattemi mappatojengku siagang pa'la'langangku, manrannuanga' mae ri janjinTa.

PAMMUJI 119:114 Referans Kwoze

PAMMUJI 32:7

IKattemi tampa' paccokkoangku, Kilappassanga' battu ri kasukkaranga. Nakuakkio'mo napakamma rannu, saba' le'ba'ma' Kipasalama'.

PAMMUJI 3:3

Jaimi tau mangkana taerokai Allata'ala antulunga'.

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

PAMMUJI 119:81

Sanna' nakku'na pa'maikku mae ri kasalamakkang battua ri Katte; manrannuanga' ri janjinTa.

PAMMUJI 119:74

Tau mappilangngeria lasannangi pa'mai'na punna nacinikka', lanri manrannuanga' mae ri janjinTa.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PAMMUJI 3:4

Mingka iKatte, o Batara, a'jari pa'la'langangku. Kisarea' pammetang, naKipakalompo pa'maikku.

PAMMUJI 119:43

Kitulunga' untu' tulusu' ampaui annabaya, saba' manrannuanga' mae ri kaputusanTa.