PAMMUJI 115:3 - KITTA' MATANGKASA'

³ Allata'alata niaki ri suruga, Nagaukangi apa Nakaerokia.

PAMMUJI 115:3 Referans Kwoze

PAMMUJI 135:6

Nagaukangi apa Nakaerokia, ri langi' siagang ri butta, ri tamparang siagang ri tamparang lompo sannaka lantanna.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.

PAMMUJI 103:19

Ammarentai Batara ri suruga, Ia Karaeng makoasa mae ri sikontu-kontuna.

ROMA 9:19

Jari, lanukana kapang ri nakke, “Punna kamma, apa saba'na Naero' ija Allata'ala ampasalai rupataua? Sai manna inai takkulleaji natahang ero'Na Allata'ala?”

PAMMUJI 2:4

A'mele'mi Batara ri empoang kala'biranNa ri suruga nacau-cau rancanana ke'nanga.

MATIUS 6:9

Jari, punna erokko assambayang pakammaminne batenu: ‘O, Manggea ri suruga: IKattemi Allata'ala Tenaya Ruanna Poro iKatte nisomba siagang nipakala'biri'.

PAMMUJI 123:1

Kelong siara. Acconga' a'dalle' nai' mae ri Katte o, Batara ammarentaya ri suruga.

1 PATTOTTORANG 16:25

Nasaba' malompoNa Batara siagang sanna' nipujiNa; Ia musti la'bi nikamallakkang kala sikontu rewataya.

PAMMUJI 68:4

Mingka tau bajika rannui siagang ma'reja-rejai, akkio' rannu-rannui ke'nanga ri dallekanNa Allata'ala.

AYUB 23:13

Anjo Allata'ala tena pamminraNa; tena akkulle angngewai. Nagaukangi apa Nakaerokia.

DANIEL 4:32

Lanibongkako battu ri pa'rappunganna rupataua, nampa attallasakko siagang olo'-oloka ri paranga. Lalang tuju taung langnganreko ruku' sangkamma sapi. Le'baki anjo lanumangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga nipassareangi mae ri nai-nai Napilea.”