PAMMUJI 115:16 - KITTA' MATANGKASA'

¹⁶ Langika iamintu Bataraji bawang pata, mingka buttaya Napassareangi mae ri rupataua.

PAMMUJI 115:16 Referans Kwoze

PAMMUJI 8:6

Mingka Kiangka'mi ke'nanga la'biring sinrapang Allata'ala, Kipipakei kalompoang siagang kala'birang.

PAMMUJI 89:11

Rahab, naga tamparang, Kilicaki siagang Kibunoi, Kibetai sikontu musunTa siagang lima magassinTa.

PAOLE 32:8

Ri wattu Nabagena Kaminang Tinggia butta pisakaya, tunggala' bansaya Napattantui daerana siagang se'reang rewata a'jari makoasa.

PAMMUJI 144:5

O, Batara, Kisungkei langitTa siagang naung maKi', Kisentoki moncong-monconga sollanna a'rumbu.

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

YOHANES 14:2

Ri balla'Na ManggeKu jai tampa' pammantangang. ErokkA' a'lampa mange anjoreng ampasadiang ngasengko tampa'. Ka'de' tena nakamma tena oloKu lakkana kamma ri kau ngaseng.

PIRAUNG 3:66

Kiondangi siagang Kiancuru' kabusuki ke'nanga sa'genna cappu' ke'nanga nibarrasa' battu ri linoa.”

PAMMUJI 148:4

Pujimi, he langi' kaminang tinggia, pujimi, he je'ne' irate langika!

PAOLE 10:14

Karaeng Allata'alanu ampatangi langi' kaminang tinggia; kammayatompa buttaya siagang sikontu apa-apa niaka ri tompo'na Ia ngaseng pata.

PAMMUJI 89:12

IKatte pata langika siagang buttaya, bate paretTa linoa siagang sikontu bonena.

YESAYA 45:18

Batara ampa'jari langika, Iami Allata'ala! Iami ampa'jari siagang ampareki buttaya, Najarreki pare'na na tuli ammenteng. Tena Napa'jari tampa' sino, mingka a'jari tampa' untu' nipammantangngi. Iami angkana, “INakke Batara, tena pantaranganna.