PAMMUJI 113:9 - KITTA' MATANGKASA'

⁹ Nasarei ana' sikamma baine tamananga, napa'jari amma' mate'ne siagang nipakalompo ri balla'na. Pujimi Batara!

PAMMUJI 113:9 Referans Kwoze

PAMMUJI 68:6

Allata'ala niaka ammantang ri Balla' matangkasa'Na a'jari mangge mae ri ana' kukanga siagang angngagangngangi sikamma jandaya.

1 SAMUEL 2:5

Tubassoroka riolo lanri kala'bianna ri kanre-kanreang, anne kamma a'jari tungnganre gaji poro untu' anggappa kanre. Tucipuruka riolo, anne kamma sukku'mi, angganna'mi ri kanre. Tutamananga, anne kamma lompomi pa'mai'na, tujumi ana' le'ba' nalassukang! Mingka amma' jaia ana'na, nibokoi, niboli' ta'ronang-ronang.

YESAYA 54:1

O, Yerusalem, riolo rapangko baine tamanang tenaya nakkulle ammana'. Mingka kamma-kamma anne akkio' rannu mako, siagang akkelong mako matte'ne pa'mai'! Saba' teai sipato' jaina ana'nu, la'biangngangi na ana' baine tenaya nibokoi ri bura'nenna.

GALATIA 4:27

Nasaba' nia' tattulisi' lalang ri Kittaka angkanaya, “Pakarannumi pa'mai'nu ikau baine tamananga, tenaya nale'ba' allassukang ana'! Assannang-sannang mako siagang ma'reja-reja mako ikau tau tale'baka ampisa'ringi pa'risi'na pammanakkanga! Nasaba' baine nibokoia ri tu bura'nenna lanisarei la'bi jaiangang ana', na ia baine niaka tuli a'rurung siagang tu bura'nenna.”

PA'JARIANG 25:21

Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.

PAMMILANGNGANG 5:28

Mingka ebara' angkana tena nasala, tena nanitabai pattunra siagang lakkulle iji pole ammana'.

2 KARAENG-KARAENG 4:17

Mingka kammatojengi anjo apa napakkanaya Elisa. Taung ri boko, kira-kira ri wattu sangkammaya anjo, ammana'mi anjo bainea sitau ana' bura'ne.