PAMMUJI 112:1 - KITTA' MATANGKASA'

¹ Pujimi Batara! Mate'nei tau mappilangngeria, mangngaia ri sikamma parentaNa Batara.

PAMMUJI 112:1 Referans Kwoze

PAMMUJI 128:1

Kelong siara. Mate'nei tau mappilangngeria siagang attallasaka situru' parentaNa Allata'ala.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

LUKAS 1:50

Sossorang mange ri sossorang tuli nikamaseang ri Batara tau mallaka ri Ia.

PAMMUJI 119:35

Poro manna'gala' jarreka' mae ri parentaTa, lanri iaminjo pangngaingku.

PAMMUJI 145:19

Napakasannangi pa'mai'na sikamma tau mappilangngeria; Napilangngeri pakkio'na siagang Napasalamaki ke'nanga.

PAMMUJI 111:10

Inai ero' cara'de' musti napakalompoi Batara, Nasarei pammahang sikontu tau mannurukia. Nipujimi Batara satunggu-tungguna!

ROMA 7:22

Atingku lalang nangai apa-apa Napassuroanga Allata'ala,

PAMMUJI 119:97

Tamaka kungaina hukkunTa; kunawa-nawai sila'busu' allo.

PAMMUJI 150:1

Pujimi Batara! Pujimi Batara lalang ri Balla'Na! Pujimi kagassinganNa ri langika!

PAMMUJI 147:1

Pujimi Batara! Saba' bajiki ammujia mae ri Ia, siagang sannangi pa'maika akkelonga mammuji mae ri Ia!

PAMMUJI 119:143

Nitujua' ri kasukkarrang siagang kasusaang, mingka katantuanTa ampakarannui pa'maikku.

PAMMUJI 40:8

Nampa kukana, “Annemi kalengku, lalang gulungang kitta' tattulisika untu' inakke:

ROMA 8:6

Punna nikoasai pikkirannu ri sipa'-sipa' ma'rupataua, kale'bakkanna lanugappai kamateanga. Mingka punna nikoasai pikkirannu ri RohNa Allata'ala, kale'bakkanna lanugappai katallassanga siagang passiamakkanga siagang Allata'ala.

PAMMUJI 119:16

A'jari sannangi pa'maikku lanri katantuanTa; tena nalakukaluppai ajaranTa.

PAMMUJI 119:14

Rannua' anturuki parenta-parentaTa, sanrapang kupatang ngaseng sikamma apa-apaya.

PAMMUJI 111:1

Pujimi Batara! Lalang sikontu pa'maikku appala' sukkurukka' mae ri Batara ri tangngana pa'rappunganna umma'Na.

PAOLE 28:3

Nibarakkaki kota-kotanu siagang koko-kokonnu.

1 KARAENG-KARAENG 18:3

Lanri kammana Ahab nakio'mi Obaja sollanna battu andallekang. (Obaja iamintu kapala ruma tanggana balla' kakaraenganga. Ia tau sanna' attojeng-tojenna assambayang ri Batara.

KATO'BA 8:12

Manna sibilangngang kaja'dallang nagaukang se'rea tu doraka, tuli attallasa'na, ba'lalo la'bui umuru'na. Bedeng, nakana taua inai mannuruki ri Allata'ala, mattantu sarro bajiki tallasa'na.