PAMMUJI 111:8 - KITTA' MATANGKASA'

⁸ Attahangi hukkunNa satunggu-tungguna, nipassareangi lalang katojengang siagang kaadelang.

PAMMUJI 111:8 Referans Kwoze

MATIUS 5:18

U'rangi laloi! Angkanaya lalang nia'na ija langika siagang linoa, manna se're hurupu' yareka titti' kaminang ca'dina anjo atorang agamaya tena sikali lanipela' punna tenapa na'rupa ngaseng!

PAMMUJI 19:9

Anjo paratoranNa Batara coco' sikali, appakasannangi pa'mai'. Anjo Napattantua Batara maci'nongi, napa'jari pahangi taua.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

ROMA 7:12

Anjo hukkung-hukkung agamaya battu ri Allata'ala assala'na, siagang sikamma anjo apa nipassuroanga lalang ri hukkung agamaya, battu ri Allata'ala assala'na, jari adeleki siagang bajiki.

YESAYA 40:8

Rukuka a'jari kalotoro', bungaya a'jari kalumeng, mingka kananNa Allata'alata attahangi satunggu-tungguna.”

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

PAMMUJI 119:89

O, Batara, majarreki kananTa satunggu-tungguna, mannannungangi ri suruga.