PAMMUJI 111:7 - KITTA' MATANGKASA'

⁷ Adeleki siagang tamamminrayai Batara lalang sikontu tindakanNa, sikontu parentaNa akkullei nipattoang.

PAMMUJI 111:7 Referans Kwoze

PAMMUJI 19:7

Najappai langika battu ri cappa' se'rea mange ri cappa' maraenga; tena tanitaba ri bambanna.

PAMMUJI 89:14

Tamaka lompona koasaTa, tamaka heba'na kagassinganTa!

PAMMUJI 119:160

Annabai sikontu kananTa, sikontu hukkunTa adeleki satunggu-tungguna.

PAMMUJI 119:151

Mingka iKatte a'reppesekKi', o, Batara, annabai sikontu parentaTa.

PAMMUJI 105:8

Tuli Nau'ranginna parjanjianNa, tappakei janjinNa satunggu-tungguna.

PAMMUJI 98:3

Nau'rangi pangngamaseanNa siagang pa'mai' tamamminraNa mae ri Israel umma'Na. Sikontu bansaya ri lino nacini'mi pammetanNa Allata'alata.

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

PAMMUJI 119:86

Sikontu hukkunTa akkullei nirannuang, Kitulung laloa', saba' niondanga' natena passabakkanna.

PAMMUJI 93:5

O, Batara, mannannungangi hukkunTa, matangkasaki BallatTa satunggu-tungguna.

PAMMUJI 85:10

Tojeng, sadiai lampasalamaki tau mappilangngeria, Allata'ala malompoa lammantangi ri pa'rasanganta.

2 TIMOTIUS 2:13

Punna tamajarrekaki' Ia tuli majarreki, nasaba' takkulleai assisala siagang KalenNa.”

PAMMUJI 19:8

Anjo hukkunNa Batara sukku' ganna'na, napakabajiki pakkasia'na nyawaya. ParentaNa Batara akkullei nipatappa' assare kacara'dekang mae ri tu biasaya.

PAMMUJI 119:89

O, Batara, majarreki kananTa satunggu-tungguna, mannannungangi ri suruga.

DANIEL 4:34

Ri wattunna allalomo anjo wattu tuju taunga sallona, accongama' nai' ri langika, nampa ammotere'mo pangngu'rangingku. Jari kupujimi Allata'ala Kaminang Tinggia. Kupakalompoi siagang kupakala'biriki anjo Allata'ala mattallasaka mannannungang. “Allata'ala la'jari Karaeng untu' satunggu-tungguna. Ia makoasa ri sikontu jammanga.

DANIEL 9:14

IKatte, o Karaeng Allata'alana ikambe, le'ba' anghukkungi ikambe iamintu bala le'baka Kipasadia; tindakanTa tuli annabai siagang adeleki, mingka ikambe tamappilangngeria ri kananTa.