PAMMUJI 111:2 - KITTA' MATANGKASA'

² Tamaka appakalannasa'na sikamma panggaukanNa Batara, siratangi nipilajari ri tau mangngaia ri Ia.

PAMMUJI 111:2 Referans Kwoze

PAMMUJI 104:24

Tamaka jaina bate paretTa, o, Batara, yangasenna Kipa'jari lanri bajitTa; rassi buttaya siagang bate paretTa.

PANGNGEBARANG 24:14

kammatommi anjo, anjo kacara'dekanga bajiki untu' nyawanu. Punna cara'dekko, singara'mi allo lanudallekanga.

PAMMUJI 143:5

Kuu'rangi allo-allo allaloa; kunawa-nawai sikontu panggaukanTa, kupikki'-pikkiri' sikamma bate paretTa.

PAMMUJI 139:14

Mammujia' ri Katte saba' inakke teai sipato' hebakku! Sikontu gautTa appakalannasaki siagang tamaka lompona, sanna' kupahang tojenna anjo sikammaya.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

EFESUS 1:19

siagang antekamma heba'na kakoasanNa Allata'ala Nagaukanga lalang ri jama-jamanna ri tangnga-tangngata tau tappaka. Teai sipato' heba'na anjo koasaNa Allata'ala,

DANIEL 4:3

Tamaka lompona gau' lompo Nagaukanga! Tamaka heba'na gau' appakalannasa' le'baka Nagaukang! Allata'ala a'jari Karaeng satunggu-tungguna. Ia koasa ri sikontuna jammanga.”

KATO'BA 3:11

Ia ampattantui wattu kaminang cocoka untu' sikontu apa-apaya. Ia assareki' kaerokang untu' angngassengi allo lanidallekanga, mingka tanikulleai ampahangi gau'Na Allata'ala battu ri pakaramulanna sa'genna kala'busang.

PANGNGEBARANG 17:16

Tena matu-matunna tau dongoka ampaccappuki doe'na a'boya kacara'dekang, saba' tena natangkasa' pikkiranna

ROMA 8:6

Punna nikoasai pikkirannu ri sipa'-sipa' ma'rupataua, kale'bakkanna lanugappai kamateanga. Mingka punna nikoasai pikkirannu ri RohNa Allata'ala, kale'bakkanna lanugappai katallassanga siagang passiamakkanga siagang Allata'ala.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

AYUB 37:7

Napammari jama-jamanna rupataua, sollanna naasseng ke'nanga angkana Ia anjama.

AYUB 9:10

Takkulleaki' ampahangi sikontu bate pare'Na, tanikulleai anrekengi sikamma gau' appakalannasa'Na.

AYUB 5:9

Yangaseng bate pare'Na Allata'ala tamaka heba'na; takkulleai nipahang. Gau'-gau' appakalannasa' Napareka, takkulleai nibilang na tena la'busu'na.

YESAYA 40:12

Inai ambakuki tamparanga siagang pala' limanna, yareka angngukkuruki allaka siagang pa'lama'na? Inai ambakuki buttaya siagang pa'baku' yareka antimbangi monconga siagang buluka ammake dacing?

PAMMUJI 107:43

Poro tau bajika nawa-nawana napikkiriki sikamma anjo passalaka siagang namangakui angkanaya tulusu' mangngamaseanNa Batara.

PAMMUJI 104:34

Poro anggappa pangngellai battu ri Ia kelong-kelongku, saba' Iami ampa'jari rannui pa'maikku.

AYUB 37:14

A'mereki mako sinampe', he Ayub, siagang pilangngeri anne; parhatikangi sikamma apa appakalannasa' gau'Na Allata'ala.

PAMMUJI 118:15

Pilangngerimi pakkio' rannu ammetana ri kema-kemana umma'Na, “Nagaukangi Batara gau' malompoa!