PAMMUJI 110:7 - KITTA' MATANGKASA'

⁷ Langnginungi karaenga battu ri binanga biring aganga, ri le'ba'namo nipakagassing, ammetami.

PAMMUJI 110:7 Referans Kwoze

PAMMUJI 27:6

Anne kamma ammetama' mae ri musungku niaka angkatulunga'; jari makkio' rannuma' assare koro'bang sukkuru' ri BallatTa; erokka' akkelong siagang mammuji mae ri Batara.

MATIUS 26:42

A'lampami pole Isa appala' doang maka pinruanna angkana, “O, ManggeKu, punna paleng takkulleami nipakabella anne passessaya ri Nakke, natakkullea taKupisa'ringi, boli'mi kamma Kipa'jari erotTa.”

1 PETRUS 1:11

Nasalidikimi ke'nanga angkanaya antekamma siagang ringngapanna nalakajariang anjo passalaka, iamintu Napakkanaya RohNa Almasi niaka lalang ri kalenna ke'nanga. Anjo wattua napau la'bi riolomi RohNa Almasi mae ri ke'nanga passala'na kasessang laNakasiaka Almasi siagang kala'biranNa la'nyataya ribokoanganna anjo.

YOHANES 18:11

Nakanamo Isa ri Petrus, “Poterangi antama' ri banoanna antu pa'dannu! Apa nakana pikkirannu talaKutarimayai passessa Napassareanga Manggea mae ri Nakke?”

LUKAS 24:26

Sai musti Nakasiaki rolong Karaeng Mappasalamaka anjo passessaya, nampa anrapi' ri kala'biranNa?”

MATIUS 20:22

Nakanamo Isa ri ke'nanga, “Tanupahangai antu apa nupalaka. Maka akkullejako lampisa'ringi todongi passessa laKupisa'ringia?” Appialimi ke'nanga angkana, “Iye', akkulleja'.”

YEREMIA 52:31

Ri tanggala' ruampulo allima bulang sampulo anrua ri taung makatallumpulo antuju le'ba'na niengka' Yoyakhin mange ri pammelakkanga, Ewil-Merodakh a'jari karaeng Babel ri ia memang anjo taunga napappicinikangi pangngamaseanna mae ri Yoyakhin, na nalappassang battu ri tarungkua,

YEREMIA 23:15

Nakana Batara Kaminang Koasaya, “LaKusarei anjo sikamma na'bia ri Yerusalem lamung-lamung pai' untu' nakanre siagang racung untu' nainung, lanri passabakkang iaminjo ke'nanga nasikontu taua ri pa'rasanganga tenamo napakalompoA'.”

PAMMUJI 3:3

Jaimi tau mangkana taerokai Allata'ala antulunga'.

AYUB 21:20

Lappassammi tau dorakaya antanggongi dosa kalenna ke'nanga, lappassammi nakasia' pangngalarroiNa Allata'ala Kaminang Tinggia.

PAMMUJI 102:9

Sila'busu' alloi musua anghina'; napare' pattunrai arengku ri tau larroa mae ri nakke.

HAKING-HAKING 15:19

NaNasungkemo Allata'ala se're kali'bong ri anjo bulu' batua ri Lehi, nampa assulu'mo je'neka battu anjoreng. Angnginummi Simson sa'genna baji'mi nasa'ring ammotere'. Iaminjo saba'na naniareng timbuseng je'neka “Timbuseng je'ne' Hakor” Anjo timbuseng je'neka nia' iji ri Lehi.